માતાઓ અને બહેનોના આશીર્વાદ મારી સૌથી મોટી તાકાત છે: PM મોદી

નવસારીમાં વિશ્વ મહિલા દિવસની ઉજવણી કરવામાં આવી હતી..ત્યારે આ પ્રસંગે વડાપ્રધાન નરેન્દ્ર મોદીએ કહ્યું કે,, માતાઓ અને બહેનોના આશીર્વાદ મારી સૌથી મોટી તાકાત છે. PM  નરેન્દ્ર મોદીએ શનિવારે ‘આંતરરાષ્ટ્રીય મહિલા દિવસ’ નિમિત્તે ગુજરાતના નવસારીમાં ‘લક્ષ્મી દીદી’ સાથે વાતચીત કરી હતી..ત્યારબાદ વડાપ્રધાન નરેન્દ્ર મોદીએ રોડ શો પણ કર્યો હતો..તેઓએ જી-સફલ અને જી-મૈત્રી સહિત વિવિધ પ્રોજેક્ટ્સ પણ લોન્ચ કર્યા હતા.

વડાપ્રધાન મોદીએ પોતાને “વિશ્વના સૌથી ધનિક વ્યક્તિ” ગણાવ્યા હતા..તેઓએ કહ્યું કે,, “હું દુનિયાનો સૌથી ધનિક માણસ છું. મારા જીવનમાં કરોડો માતાઓ અને બહેનોના આશીર્વાદ છે. માતાઓ અને બહેનોના આશીર્વાદ મારી સૌથી મોટી શક્તિ છે, મારી મૂડી છે.” વડાપ્રધાન નરેન્દ્ર મોદીએ વઘુમાં કહ્યું કે, “નારી શક્તિ વંદન કાયદા વિશે સૌથી ગર્વની વાત એ છે કે આપણા રાષ્ટ્રપતિ, જે એક સરળ પૃષ્ઠભૂમિમાંથી આવે છે.. તેમણે આ બિલને મંજૂરી આપી હતી… એ દિવસ દૂર નથી જ્યારે તમારામાંથી કોઈ સાંસદ કે ધારાસભ્ય બનશે. ગાંધીજી કહેતા હતા કે દેશનો આત્મા ગ્રામીણ ભારતમાં વસે છે. આજે હું તેમાં એક વધુ વાક્ય ઉમેરું છું – ગ્રામીણ ભારતનો આત્મા ગ્રામીણ મહિલાઓના સશક્તિકરણમાં રહેલો છે.

તેમણે કહ્યું કે, “અહીં નવસારીના આ કાર્યક્રમમાં આપણે સ્ત્રી શક્તિની શક્તિ જોઈ શકીએ છીએ. આ કાર્યક્રમની સંપૂર્ણ જવાબદારી મહિલાઓએ લીધી છે.આટલા મોટા કાર્યક્રમની સુરક્ષા માટે તૈનાત તમામ પોલીસકર્મીઓ અને અધિકારીઓ મહિલાઓ છે. કોન્સ્ટેબલ, એસપી, ડીએસપીથી લઈને વરિષ્ઠ અધિકારીઓ સુધી…અહીં સુરક્ષા વ્યવસ્થા મહિલાઓ સંભાળી રહી છે.આ મહિલા સશક્તિકરણની શક્તિનું એક ઉદાહરણ છે. જ્યારે હું તમને બધાને મળું છું ત્યારે મારો વિશ્વાસ વધુ મજબૂત બને છે કે વિકસિત ભારતનો સંકલ્પ પૂર્ણ થશે..મહિલા શક્તિ તેમાં મોટી ભૂમિકા ભજવશે.

PM મોદીએ કહ્યું, “રાજકારણ હોય કે રમતગમત ક્ષેત્ર, ન્યાયતંત્ર હોય કે પોલીસ, મહિલાઓ દેશના દરેક ક્ષેત્ર અને પરિમાણમાં ધ્વજ લહેરાવી રહી છે. વર્ષ 2014 થી દેશમાં મહત્વપૂર્ણ હોદ્દાઓ પર મહિલાઓની ભાગીદારી ઝડપથી વધી છે. કેન્દ્ર સરકારમાં સૌથી વધુ મહિલાઓ મંત્રી બની છે અને સંસદમાં પણ મહિલાઓની હાજરીમાં મોટો વધારો થયો છે. તેમણે કહ્યું, “શાસ્ત્રોમાં સ્ત્રીને નારાયણી કહેવામાં આવી છે. મહિલાઓ માટે આદર એ સમાજ અને દેશના વિકાસ તરફનું પ્રથમ પગલું છે.. તેથી ભારતને વિકસિત દેશ બનાવવા અને ભારતના ઝડપી વિકાસ માટે આજે ભારત મહિલાઓના નેતૃત્વ હેઠળના વિકાસના માર્ગ પર આગળ વધી રહ્યું છે.અમારી સરકાર મહિલાઓના જીવનમાં સન્માન અને સુવિધા બંનેને સર્વોચ્ચ પ્રાથમિકતા આપે છે. તેમણે કહ્યું, “આજનો દિવસ આપણા બધા માટે મહિલાઓ પાસેથી પ્રેરણા લેવાનો અને તેમની પાસેથી શીખવાનો છે. હું આપ સૌને શુભેચ્છા પાઠવું છું અને આભાર માનું છું.”

વડાપ્રધાન નરેન્દ્ર મોદીએ કહ્યું કે,“મહાકુંભમાં મને માતા ગંગાના આશીર્વાદ મળ્યા હતા..આજે માતૃશક્તિના આ મહાકુંભમાં મને આપ બધી માતાઓ અને બહેનોના આશીર્વાદ મળ્યા છે. આજે મહિલા દિવસ પર મારી માતૃભૂમિ ગુજરાતમાં અને આ ખાસ દિવસે મોટી સંખ્યામાં આપ સૌ માતાઓ, બહેનો, દીકરીઓની હાજરીમાં હું આપના પ્રેમ, સ્નેહ અને આશીર્વાદ માટે માતૃશક્તિને માથું નમન કરું છું.