ટ્રેનની ટિકિટ સાથે આ પાંચ સુવિધાઓ બિલકુલ મફતમાં મળે છે.. જો તમને ખબર ન હોય અત્યારે જ જાણીલો…

ટ્રેનમાં મુસાફરી કરતી વખતે રેલવે તેના મુસાફરોને એવી ઘણી સુવિધાઓ પૂરી પાડે છે જેના વિશે તેમને કોઈ જાણકારી હોતી નથી. ટ્રેન ટિકિટ ખરીદવાથી, મુસાફરને ઘણા અધિકારો મળે છે..તે પણ બિલકુલ મફત.જેમાં ટ્રેનોમાં મફત બેડરોલથી લઈને મફત ભોજન સુધીના અધિકારોનો સમાવેશ થાય છે. ચાલો જાણીએ કે,, રેલવે મુસાફરોને આ બધી સુવિધાઓ ક્યારે અને કેવી રીતે પૂરી પાડવામાં આવે છે.

મફત ખોરાક

જો તમે રાજધાની, દુરંતો અને શતાબ્દી જેવી પ્રીમિયમ ટ્રેનોમાં મુસાફરી કરી રહ્યા છો,.. અને જો તમારી ટ્રેન 2 કલાકથી વધુ મોડી પડે છે.. તો રેલવે તમને મફત ભોજન પૂરું પાડે છે. આ ઉપરાંત જો તમારી ટ્રેન મોડી પડે છે અને તમે કંઈક સારું ખાવા માંગતા હો, તો તમે RE-કેટરિંગ સેવામાંથી ટ્રેનમાં ખોરાકનો ઓર્ડર પણ આપી શકો છો.

મફત બેડ રોલ

ભારતીય રેલવે તેના બધા AC-1, AC-2, AC-3 કોચમાં મુસાફરોને એક ધાબળો, એક ઓશીકું, બે ચાદર અને એક હાથનો ટુવાલ પૂરો પાડે છે. જોકે, ગરીબ રથ એક્સપ્રેસમાં લોકોએ આ માટે 25 રૂપિયા ચૂકવવા પડે છે.આ ઉપરાંત કેટલીક ટ્રેનોમાં મુસાફરોને સ્લીપર ક્લાસમાં બેડરોલ પણ મળી શકે છે.જો તમને ટ્રેનની મુસાફરી દરમિયાન બેડરોલ ન મળે તો તમે તેની સામે ફરિયાદ કરી શકો છો.. અને રિફંડનો દાવો કરી શકો છો.

મફત તબીબી સહાય

જો તમે ટ્રેનમાં મુસાફરી કરતી વખતે બીમાર અનુભવો છો.. તો રેલવે તમને મફત પ્રાથમિક સારવાર પૂરી પાડે છે.જો સ્થિતિ ગંભીર હોય તો તે વધુ સારવારની પણ વ્યવસ્થા કરે છે. આ માટે તમે ફ્રન્ટ લાઇન સ્ટાફ, ટિકિટ કલેક્ટર, ટ્રેન સુપરિન્ટેન્ડેન્ટ વગેરેનો સંપર્ક કરી શકો છો. જો જરૂરી હોય તો ભારતીય રેલવે વાજબી ચાર્જ પર આગામી ટ્રેન સ્ટોપેજ પર તમારા માટે તબીબી સારવારની વ્યવસ્થા પણ કરશે.

તમે તમારો સામાન એક મહિના સુધી સ્ટેશન પર રાખી શકો છો

દેશના બધા મુખ્ય રેલવે સ્ટેશનો પર ક્લોકરૂમ અને લોકર રૂમ ઉપલબ્ધ છે. તમે આ લોકર રૂમ અને ક્લોકરૂમમાં તમારા સામાનને વધુમાં વધુ 1 મહિના સુધી રાખી શકો છો. જોકે આ માટે તમારે કેટલાક ચાર્જ ચૂકવવા પડશે.

મફત વેઇટિંગ હોલ

કોઈપણ સ્ટેશન પર ઉતર્યા પછી જો તમારે આગલી ટ્રેન પકડવા માટે અથવા અન્ય કોઈ કામ માટે સ્ટેશન પર થોડો સમય રાહ જોવી પડે.. તો તમે સ્ટેશન પર એસી કે નોન-એસી વેઇટિંગ હોલમાં આરામથી રાહ જોઈ શકો છો. આ માટે તમારે તમારી ટ્રેન ટિકિટ બતાવવી પડશે.