પાકિસ્તાનનું નસીબ ચમક્યું, નદીમાં સોનાનો વિશાળ ભંડાર મળ્યો

પાકિસ્તાન આર્થિક સમસ્યાઓનો સામનો કરી રહ્યું છે.ત્યારે સિંધુ નદીમાંથી સોનાનો ભંડાર મળ્યો છે…લોટ, કઠોળ અને શાકભાજીના ભાવ આસમાને પહોંચી રહ્યા છે. તે દેશમાં ગરીબી વધી રહી છે.પરંતુ આ બધાની વચ્ચે પાકિસ્તાનને અલાદ્દીનનો દીવો મળી ગયો છે.આ દીવો પાકિસ્તાનની એક નદી છે.. જે સોનું ઉછાળી રહી છે.આ નદીમાં સોનાના વિશાળ ભંડાર મળી આવ્યા છે. પાકિસ્તાની મીડિયાના એક અહેવાલમાં આ માહિતી મળી છે.

સોનું પાકિસ્તાન માટે જીવનરક્ષક

જો આ અહેવાલ પર વિશ્વાસ કરવામાં આવે તો, પાકિસ્તાને સિંધુ નદીમાં સોનાનો વિશાળ ભંડાર શોધી કાઢ્યો છે.તેની કિંમત લગભગ 80,000 કરોડ રૂપિયા હોવાનું કહેવાય છે. સરકારે પાકિસ્તાનના પંજાબ પ્રાંતના અટોક જિલ્લામાં એક સર્વે હાથ ધર્યો હતો..આ સર્વેના આધારે, ત્યાંથી સોનું કાઢવાની યોજના બનાવી શકાય છે.જે આર્થિક સંકટનો સામનો કરી રહેલા પાકિસ્તાન માટે જીવનરક્ષક સાબિત થઈ શકે છે.આ ખાણકામ પ્રોજેક્ટનું નેતૃત્વ સરકારી એન્જિનિયરિંગ સર્વિસ કંપની નેશનલ એન્જિનિયરિંગ સર્વિસીસ પાકિસ્તાન અને પંજાબના ખાણ અને ખનિજ વિભાગ દ્વારા કરવામાં આવશે.

હરાજી

ખાનગી ન્યુઝે NESPAK ના મેનેજિંગ ડિરેક્ટરને ટાંકીને જણાવ્યું કે, સિંધુ નદીના કિનારે આવેલા અટોક જિલ્લામાં નવ પ્લેસર ગોલ્ડ બ્લોક્સની હરાજી માટે બોલીઓ તૈયાર કરવામાં આવી રહી છે..ટ્રાન્ઝેક્શન સલાહકાર સેવાઓ માટે પરામર્શ માંગવામાં આવી રહ્યો છે.

ભારત સાથે શું સંબંધ…

ભૂસ્તરશાસ્ત્રીઓનું કહેવું છેકે આ સોનું ભારતમાંથી સિંધુ નદી દ્વારા વહેતું આવ્યું છે. પાકિસ્તાનના વિસ્તારમાં જમા થયું છે.ભાગલા પહેલા આ ભાગ ભારતમાં સમાયેલો હતો..પરંતુ હવે તે પાકિસ્તાનમાં ગયો છે. આ સોનું નદીમાં નાના ટુકડાઓમાં મળી આવે છે. સતત પ્રવાહને કારણે, તેના કણો સપાટ અથવા ગોળ બની ગયા છે. જો અહેવાલ પર વિશ્વાસ કરવામાં આવે તો સિંધુ નદીને કિંમતી ધાતુઓનો ભંડાર માનવામાં આવે છે.