IPLમાં 10 સેકન્ડની જાહેરાતની આટલી ફી છે, પૈસા કમાવવા માટે અંબાણીએ બનાવ્યો આ પ્લાન

ઇન્ડિયન પ્રીમિયર લીગ- 2025 તારીખ 22 માર્ચથી શરૂ થઈ રહી છે..આ સાથે જાહેરાતકર્તાઓ અને પ્રાયોજકોએ તેમની વ્યૂહરચનાઓને વધુ તીવ્ર બનાવી દીધી છે. વિશ્વની સૌથી ધનિક ક્રિકેટ લીગમાંની એક ગણાતી IPLના સત્તાવાર પ્રસારણ અને સ્ટ્રીમિંગ ભાગીદાર જિયોસ્ટારનું લક્ષ્ય આ વર્ષે 1 અબજ દર્શકો સુધી પહોંચવાનું છે..2024 માં, JioStar હેઠળ સ્ટાર સ્પોર્ટ્સે 525 મિલિયન ટેલિવિઝન દર્શકોને આકર્ષ્યા, જ્યારે 425 મિલિયન લોકોએ ડિજિટલ પ્લેટફોર્મ પર IPLનો આનંદ માણ્યો. આ વર્ષે, કંપની તેના નેટવર્કને વધુ મજબૂત બનાવવાની યોજના ધરાવે છે.

IPLમાં, 10 સેકન્ડની જાહેરાત માટે 18 લાખથી 19 લાખ રૂપિયા સુધીનો ચાર્જ લેવામાં આવે છે. આ રકમ ટીવી અને OTT પ્લેટફોર્મ પર જાહેરાત માટે છે. પરંતુ આ વખતે બજાર નિષ્ણાતોનો અંદાજ છે કે IPL 2025 માં જાહેરાત દર 20-30 ટકા વધી શકે છે. આ લીગની સતત વધતી જતી લોકપ્રિયતા અને વ્યાપક દર્શકોની પહોંચને પ્રતિબિંબિત કરે છે. આ સીઝનના સત્તાવાર સ્પોન્સર અને સ્ટ્રીમિંગ પાર્ટનર જિયોસ્ટારને આશા છે કે IPL 2025 અત્યાર સુધીની સૌથી મોટી ઇવેન્ટ હશે.કંપનીના ઉચ્ચ અધિકારીઓના જણાવ્યા અનુસાર, આ વખતે ટુર્નામેન્ટને અબજો દર્શકો જોઈ શકશે.

જિયોસ્ટારના ચીફ બિઝનેસ ઓફિસર (સ્પોર્ટ્સ રેવન્યુ, સ્મોલ અને મીડિયમ બિઝનેસ અને ક્રિએટર્સ) ઈશાન ચેટર્જીના જણાવ્યા અનુસાર, બિઝનેસ સ્ટાન્ડર્ડે અહેવાલ આપ્યો છે કે IPL 2025 માટે જાહેરાતકર્તાઓ તરફથી અભૂતપૂર્વ માંગ છે. ચેટર્જી કહે છે કે ,,જો આપણે ચેમ્પિયન્સ ટ્રોફી 2025 ની તાજેતરમાં રમાયેલી ભારત-પાકિસ્તાન મેચ પર નજર કરીએ, તો તે ડિજિટલ પ્લેટફોર્મ પર અત્યાર સુધીની સૌથી વધુ જોવાયેલી મેચ બની ગઈ. આ ટ્રેન્ડને જોતા, એવી અપેક્ષા રાખવામાં આવે છે કે IPL 2025 દર્શકોની સંખ્યાના નવા રેકોર્ડ પણ બનાવશે.

JioStar, જે હવે સ્ટાર સ્પોર્ટ્સ અને JioCinema બંનેનું સંચાલન કરે છે, તેણે તેની જાહેરાત ફીમાં 15 ટકા વધારો કર્યો છે. કંપનીનો ઉદ્દેશ્ય પરંપરાગત ટેલિવિઝન, મોબાઇલ અને કનેક્ટેડ ટીવી પ્લેટફોર્મ પર જાહેરાતકર્તાઓને વધુ અસરકારક અને સંકલિત ઉકેલો પૂરા પાડવાનો છે. જિયોસ્ટારની ડિજિટલ અને ટેલિવિઝન જાહેરાતો કંપનીઓને નવી રીતે ગ્રાહકો સુધી પહોંચવાની તક પૂરી પાડી રહી છે.આ વ્યૂહરચના બ્રાન્ડ્સને તેમના ઝુંબેશને બહુવિધ પ્લેટફોર્મ પર અસરકારક રીતે ચલાવવામાં મદદ કરે છે..જેનાથી તેઓ વધુ પ્રેક્ષકો સુધી પહોંચી શકે છે.