ઉત્તરાખંડ : ચમોલીમાં કુદરતનો પ્રકોપ ! ગ્લેશિયર તૂટવાથી ઘણા કામદારો દટાયા,મુખ્યમંત્રીએ દુ:ખ વ્યક્ત કર્યુ

ઉત્તરાખંડના ચમોલી જિલ્લામાં ગુરુવારે માના ગામ નજીક એક ગ્લેશિયર તૂટી પડતાં ભારે વિનાશ સર્જાયો હતો. આ અકસ્માતમાં રસ્તાના બાંધકામના કામમાં રોકાયેલા 57 કામદારો બરફ નીચે ફસાયા છે. 10 કામદારોને સુરક્ષિત રીતે બહાર કાઢવામાં આવ્યા છે.. પરંતુ બાકીના લોકોને બચાવવા માટે બચાવ કામગીરી યુદ્ધના ધોરણે ચાલુ છે.

રાજ્ય પોલીસ મુખ્યાલયના પ્રવક્તાએ અકસ્માતની પુષ્ટિ કરતા કહ્યું કે, “સરહદીય વિસ્તાર માનામાં બોર્ડર રોડ્સ ઓર્ગેનાઇઝેશન કેમ્પ પાસે એક મોટો હિમસ્ખલન થયો છે. રસ્તાના નિર્માણમાં રોકાયેલા ઘણા કામદારો તેમાં ફસાયેલા છે. અત્યાર સુધીમાં 10 લોકોને બચાવી લેવામાં આવ્યા છે.ઘટનાસ્થળે હાજર એક્ઝિક્યુટિવએ જણાવ્યું કે, ભારે હિમવર્ષાને કારણે બચાવ કામગીરીમાં ઘણી મુશ્કેલીઓનો સામનો કરવો પડી રહ્યો છે. બચાવ કાર્ય માટે ત્રણથી ચાર એમ્બ્યુલન્સ પણ મોકલવામાં આવી છે, પરંતુ ખરાબ હવામાન અને રસ્તામાં ગાઢ બરફના કારણે રાહત ટીમને ઘટનાસ્થળે પહોંચવામાં મુશ્કેલી પડી રહી છે.

અકસ્માત પર દુ:ખ વ્યક્ત કરતા ઉત્તરાખંડના મુખ્યમંત્રી પુષ્કરસિંહ ધામીએ બચાવ કામગીરી ઝડપી બનાવવાના નિર્દેશો આપ્યા છે. તેમણે કહ્યું કે વહીવટીતંત્ર સંપૂર્ણપણે સતર્ક છે અને કેન્દ્ર સરકાર પાસેથી પણ મદદ માંગવામાં આવી છે. આ ભયાનક આફત પછી, સ્થાનિક વહીવટીતંત્ર, સેના અને BRO ટીમો રાહત અને બચાવ કાર્યમાં રોકાયેલા છે.