ત્રણ મહિના સુધી ભારે ગરમી રહેશે, દુષ્કાળ અને આકરી ગરમી જેવી ઘટનાઓ વધશે; વિશ્વ હવામાન સંગઠન અનુસાર- પાકને અસર થશે

વૈશ્વિક તાપમાન માર્ચથી મે 2025 સુધીના આગામી ત્રણ મહિના દરમિયાન સામાન્ય કરતા વધારે રહેવાની ધારણા છે. ખાસ કરીને અરબી દ્વીપકલ્પ, ઉત્તર-પૂર્વ એશિયા, પશ્ચિમ દરિયાકાંઠાના ભારત અને દક્ષિણ-પૂર્વ એશિયામાં વધુ ગરમી નોંધાઈ શકે છે.

વિશ્વ હવામાન સંગઠન અનુસાર દુષ્કાળ, ગરમીના મોજા, ભારે વરસાદ જેવી હવામાન ઘટનાઓ વધી શકે છે.. જે પૂર, રોગો અને જીવાતોના હુમલા તરફ દોરી જાય છે…પાકના ઉત્પાદન અને ગુણવત્તાને પણ  અસર કરી શકે છે. છેલ્લા ત્રણ મહિના નવેમ્બર 2024થી જાન્યુઆરી 2025ના હવામાન ડેટાના આધારે ગરમી સામાન્ય કરતાં વધુ રહેશે તેવી આગાહી કરવામાં આવી છે…WMO રિપોર્ટ દર્શાવે છે કે, નવેમ્બર 2024 અને જાન્યુઆરી 2025 વચ્ચે મોટાભાગના મહાસાગરોમાં દરિયાઈ સપાટીનું તાપમાન સામાન્ય કરતાં વધુ હતું.

માર્ચથી મે 2025 દરમિયાન પેસિફિક મહાસાગરના કેટલાક ભાગોમાં સમુદ્ર સપાટીનું તાપમાન સામાન્ય થઈ જવાની ધારણા છે.. આ સમયગાળા દરમિયાન કોઈ મજબૂત અલ નીનો અથવા લા નીના સ્થિતિ અમલમાં દેખાતી નથી..આ પરિસ્થિતિ અલ નીનો-સધર્ન ઓસિલેશનની તટસ્થ સ્થિતિ દર્શાવે છે. જોકે, વિષુવવૃત્તીય એટલાન્ટિક મહાસાગરના ઉત્તરીય અને દક્ષિણ ભાગોમાં તાપમાન સામાન્યથી ઉપર રહેવાની શક્યતા છે.

વિશ્વના જે વિસ્તારોમાં તાપમાન સામાન્ય કરતા વધારે રહેવાની ધારણા છે તેમાં આફ્રિકાના મોટા ભાગ, મેડાગાસ્કર, એશિયાનો મોટાભાગનો ભાગ, દક્ષિણ અમેરિકાના ભાગો, કેરેબિયન, મધ્ય અમેરિકા, ઉત્તર અમેરિકાના દક્ષિણ અને પૂર્વીય ભાગો, પશ્ચિમ પેસિફિક અને સમગ્ર યુરોપનો સમાવેશ થાય છે. ખાસ કરીને અરબી દ્વીપકલ્પ, ઉત્તર-પૂર્વ એશિયા,પશ્ચિમી દરિયાકાંઠાના ભારત અને દક્ષિણપૂર્વ એશિયામાં તાપમાન સામાન્ય કરતા ઘણું વધારે હોઈ શકે છે.