ભારતીય ટીમે શુભમન ગિલની શાનદાર બેટિંગની મદદથી બાંગ્લાદેશને છ વિકેટથી હરાવીને ચેમ્પિયન્સ ટ્રોફીમાં વિજયી શરૂઆત કરી. આ મેચમાં ગિલ ઉપરાંત મોહમ્મદ શમીએ પણ ભારત માટે શાનદાર પ્રદર્શન કર્યું.
શુભમન ગિલની સદીની મદદથી, ભારતીય ટીમે ચેમ્પિયન્સ ટ્રોફીના પોતાના પહેલા મેચમાં બાંગ્લાદેશને છ વિકેટથી હરાવ્યું. મોહમ્મદ શમીના નેતૃત્વમાં, ભારતીય બોલરોએ શાનદાર પ્રદર્શન કર્યું અને બાંગ્લાદેશને 49.4 ઓવરમાં 228 રન પર રોકી દીધું. જવાબમાં, ભારતે ગિલના 129 બોલમાં 9 ચોગ્ગા અને 2 છગ્ગાની મદદથી અણનમ 101 રનની મદદથી 46.3 ઓવરમાં 4 વિકેટે 231 રન બનાવીને મેચ જીતી લીધી હતી..
શમીએ મેચમાં પાંચ વિકેટ લીધી, જ્યારે હર્ષિત રાણાએ ત્રણ અને સ્પિનર અક્ષર પટેલે બે વિકેટ લીધી. શમીએ વનડેમાં પોતાની 200 વિકેટ પણ પૂર્ણ કરી. બાંગ્લાદેશ તરફથી તૌહીદ ઉપરાંત ઝાકિરે 114 બોલમાં 4 ચોગ્ગાની મદદથી 68 રન બનાવ્યા. તૌહીદ અને હરદોય સિવાય બાંગ્લાદેશનો કોઈ પણ બેટ્સમેન સારો દેખાવ કરી શક્યો નહીં. તેના ચાર બેટ્સમેન પોતાનું ખાતું પણ ખોલાવી શક્યા નહીં, જ્યારે ત્રણ ખેલાડીઓ બે આંકડા સુધી પહોંચી શક્યા નહીં. તંજીદ હસને 25 રન અને રિશાદ હુસૈને 18 રનનું યોગદાન આપ્યું હતુ..