મણિપુરના મુખ્યમંત્રી એન. રવિવારે સાંજે બિરેન સિંહે મુખ્યમંત્રી પદ પરથી રાજીનામું આપ્યું હતું… તેમણે રાજ્યપાલને પોતાનું રાજીનામું સુપરત કર્યું હતું.. મુખ્યમંત્રી બિરેન સિંહે રાજ્યમાં થયેલી સાંપ્રદાયિક હિંસા માટે લોકોની માફી માંગી હતી. તેમણે કહ્યું કે,,આ આખું વર્ષ ખૂબ જ ખરાબ રહ્યું. ૩ મે, 2023 થી આજ સુધી જે કંઈ બન્યું છે તેના માટે હું રાજ્યના લોકોની માફી માંગુ છું. ઘણા લોકોએ પોતાના પ્રિયજનો ગુમાવ્યા છે. ઘણા લોકો પોતાના ઘર છોડીને ચાલ્યા ગયા હતાં..મને એનું દુ:ખ છે. છેલ્લા ત્રણ-ચાર મહિનામાં શાંતિપૂર્ણ પરિસ્થિતિ જોઈને મને આશા છે કે 2025 માં રાજ્યમાં સામાન્ય સ્થિતિ પુનઃસ્થાપિત થશે.
રાજ્યપાલને સોંપવામાં આવેલા રાજીનામા પત્રમાં તેમણે લખ્યું છે કે, હું, નોંગથોમ્બમ બિરેન સિંહ, મણિપુરના મુખ્યમંત્રી પદ પરથી રાજીનામું આપી રહ્યો છું. મણિપુરના લોકોની સેવા કરવી મારા માટે સન્માનની વાત રહી છે. મણિપુરના દરેક નાગરિકના હિતનું રક્ષણ કરવા માટે કેન્દ્ર સરકાર દ્વારા સમયસર કાર્યવાહી, હસ્તક્ષેપ, વિકાસ કાર્યો અને વિવિધ પ્રોજેક્ટ્સના અમલીકરણ માટે હું તેમનો ખૂબ આભારી છું. કેન્દ્ર સરકારને મારી નિષ્ઠાવાન અપીલ છે કે તેઓ આ રીતે કામ કરતા રહે. હું તમારી સમક્ષ કેટલાક મહત્વપૂર્ણ મુદ્દાઓ રજૂ કરવા માંગુ છું..