લુધિયાણા પશ્ચિમ મતવિસ્તારના આમ આદમી પાર્ટીના ધારાસભ્ય ગુરપ્રીત ગોગી બસ્સીનું શુક્રવારે મોડી રાત્રે શંકાસ્પદ સંજોગોમાં ગોળી મારવામાં આવ્યા બાદ મૃત્યુ થયું. કહેવામાં આવી રહ્યું છે કે ગુરપ્રીત ગોગીના માથામાં ગોળી વાગી છે. ગોળી કેવી રીતે ચલાવવામાં આવી અને કોણે ચલાવી તે હજુ સુધી સ્પષ્ટ થયું નથી.
ગોળીબારનો અવાજ સંભળાતા જ તેમના પરિવારના સભ્યો અને તેમની સુરક્ષા માટે તૈનાત સ્ટાફ રૂમમાં પહોંચી ગયા અને તેમને DMC હોસ્પિટલમાં લઈ જવામાં આવ્યા. જ્યાં ડોક્ટરોએ તેમને મૃત જાહેર કર્યા. માહિતી મળતાં, ઉચ્ચ પોલીસ અધિકારીઓ અને પોલીસ સ્ટેશન ડિવિઝન આઠના અધિકારીઓ, ઘુમરમંડી ચોકીની પોલીસ પણ ઘટનાસ્થળે પહોંચી ગયા. મોડી રાત્રે, ધારાસભ્યના મૃત્યુના સમાચાર સાંભળ્યા પછી, ઘણા લોકો તેમના ઘર અને હોસ્પિટલમાં પહોંચી ગયા. શુક્રવારે સાંજે તેઓ શહેરના લોકોની સમસ્યાઓ સાંભળી રહ્યા હતા
કોંગ્રેસમાં રાજકીય કારકિર્દી શરૂ કરનાર ગુરપ્રીત ગોગી ભૂતપૂર્વ કેબિનેટ મંત્રી અને કોંગ્રેસ નેતા ભારત ભૂષણ આશુના નજીકના હતા. પાછલી સરકારમાં ભૂતપૂર્વ મંત્રી સાથેના સંબંધોમાં ખટાશ આવવાને કારણે, તેઓ 2022ની વિધાનસભા ચૂંટણીના થોડા સમય પહેલા કોંગ્રેસ છોડીને AAPમાં જોડાયા હતા. AAP એ તેમને આશુ સામે પણ મેદાનમાં ઉતાર્યા હતા. ગોગી પોતાના જ રાજકીય માર્ગદર્શકને હરાવવામાં સફળ રહ્યા અને મોટા માર્જિનથી જીત્યા હતાં.