સિડનીથી જાપાન જતી ફ્લાઈટમાં પોર્નોગ્રાફિક ફિલ્મ ચાલ્યા બાદ Qantasએ મુસાફરોની માફી માંગી છે. હાનેડા ફ્લાઇટમાં મુસાફરોને 2023ની ડાકોટા જોન્સન અભિનીત ફિલ્મ ‘ડેડિયો’ની શરૂઆત બતાવવામાં આવી હતી. યુ.એસ.માં ભાષા, લૈંગિક સામગ્રી અને નગ્નતા માટે ફિલ્મને R રેટિંગ આપવામાં આવ્યું છે અને અસભ્ય ભાષા અને નગ્નતા માટે ઓસ્ટ્રેલિયામાં MA15+ રેટિંગ આપવામાં આવ્યું છે.
મુસાફરોમાં રોષ જોવા મળ્યો.
અહેવાલો અનુસાર, તકનીકી સમસ્યાઓને કારણે વ્યક્તિગત મૂવી પસંદગીઓ ઉપલબ્ધ ન હતી, તેથી કેટલાક મુસાફરોની વિનંતીઓ પછી, ક્રૂએ ફ્લાઇટ દરમિયાન મૂવી ચલાવવાનું નક્કી કર્યું. એકવાર મુસાફરોને ફિલ્મની સામગ્રીનો અહેસાસ થયો, ક્રૂ સભ્યોએ તેને બંધ કરી દીધી અને સ્ક્રીન પર બાળકોની ફિલ્મ મૂકી. ફ્લાઇટ બાદ કેટલાક મુસાફરોએ સોશિયલ મીડિયા પર પોતાનો અનુભવ શેર કર્યો હતો. આક્રોશ વધતો જોઈને, ક્વાન્ટાસે માફી માંગવી પડી.
કંટાસે માફી માંગી
ક્વાન્ટાસના પ્રવક્તાએ કહ્યું: ‘આ ફિલ્મ આખી ફ્લાઇટ દરમિયાન ચલાવવા માટે સ્પષ્ટપણે યોગ્ય ન હતી અને અમે આ અનુભવ માટે ગ્રાહકોની નિષ્ઠાપૂર્વક માફી માગીએ છીએ. બાકીની ફ્લાઇટ માટે તમામ સ્ક્રીનોને કુટુંબ-મૈત્રીપૂર્ણ મૂવીમાં બદલવામાં આવી હતી, જે એવા દુર્લભ કિસ્સાઓ માટે અમારી માનક પ્રથા છે જ્યાં વ્યક્તિગત મૂવીની પસંદગી શક્ય ન હોય.’ પ્રવક્તાએ ઉમેર્યું, ‘અમે સમીક્ષા કરી રહ્યા છીએ કે ફિલ્મ કેવી રીતે પસંદ કરવામાં આવી હતી.’