વિશ્વમાં હાર્ટ એટેક અને કાર્ડિયાક અરેસ્ટ જેવા કેસોને કારણે દર વર્ષે લાખો લોકો મૃત્યુ પામે છે, જેમાંથી મોટી સંખ્યા 30 વર્ષથી ઓછી ઉંમરના હોય છે. કોરોના મહામારી બાદ તેનો ખતરો વધુ વધી ગયો છે. આરોગ્ય નિષ્ણાતો કહે છે કે દરેક વ્યક્તિએ તેમના હૃદયના સ્વાસ્થ્ય પર ગંભીર ધ્યાન આપવાની જરૂર છે. જીમમાં જતી વખતે પણ લોકો હાર્ટ એટેકનો શિકાર બની રહ્યા છે.
હેલ્થ એક્સપર્ટ્સનું કહેવું છે કે, હ્રદયની બીમારીઓથી થતા મૃત્યુના વધતા આંકડા ચિંતાજનક છે. જો કે, જો સમયસર તેના સંકેતો પર ગંભીરતાથી ધ્યાન આપીને CPR અને ઈમરજન્સી સારવાર આપવામાં આવે તો આમાંથી ઘણા લોકોના જીવ બચાવી શકાય છે.
વિશ્વ હૃદય દિવસ દર વર્ષે 29 સપ્ટેમ્બરે હૃદયરોગ અને તેનાથી સંબંધિત રોગો વિશે જાગૃતિ વધારવા અને તેના નિવારણ વિશે લોકોને શિક્ષિત કરવાના ઉદ્દેશ્ય સાથે ઉજવવામાં આવે છે.
હાર્ટ એટેક અને કાર્ડિયાક અરેસ્ટ જેવા કેસમાં દરેક મિનિટ કિંમતી હોય છે જો ‘ગોલ્ડન ટાઇમ’ પર પરિસ્થિતિને સમજવામાં આવે તો જીવલેણ જોખમો ઘટાડી શકાય છે.
‘ગોલ્ડન અવર’ ખૂબ જ મહત્વનો
આરોગ્ય નિષ્ણાંતો કહે છે,,હાર્ટ એટેકના કિસ્સામાં ‘ગોલ્ડન ટાઈમ’ ખૂબ જ મહત્વનો છે.હાર્ટ એટેક પછીની આ પ્રથમ 60 મિનિટ છે જેમાં તાત્કાલિક તબીબી સહાય મેળવવી સૌથી મહત્વપૂર્ણ છે. હાર્ટ એટેક-કાર્ડિયાક અરેસ્ટના કિસ્સામાં, લક્ષણોની સમયસર ઓળખ અને CPR આપવાથી બચવાની શક્યતા 60-70 ટકા વધી જાય છે.
સીપીઆરની સાથે દર્દીને સમયસર ઈમરજન્સી મેડીકલ સારવાર આપવી પણ જરૂરી છે.
આરોગ્ય નિષ્ણાતો કહે છે, હાર્ટ એટેકના ઘણા કારણો હોઈ શકે છે. જે લોકોના પરિવારમાં પહેલાથી જ હ્રદયરોગ, કોલેસ્ટ્રોલ અથવા બ્લડ પ્રેશરની સમસ્યા છે તેઓએ તેમના જોખમો વિશે વધુ સાવચેત રહેવાની જરૂર છે. હાઈ બ્લડ પ્રેશરએ હાર્ટ એટેક માટેનું મુખ્ય જોખમ પરિબળ માનવામાં આવે છે. હાર્ટ એટેકના કિસ્સામાં, કેટલાક સંકેતો પર ધ્યાન આપવું સૌથી મહત્વપૂર્ણ બની જાય છે.
જો કોઈ વ્યક્તિને શ્વાસ લેવામાં તકલીફ, છાતીમાં તીવ્ર દુખાવો અથવા ભારેપણું, વધુ પડતો થાક, વધુ પડતો પરસેવો અથવા ચક્કર આવવાની સમસ્યા હોય તો તેને હાર્ટ એટેકની નિશાની ગણી શકાય. કેટલીકવાર, આવી ઘટનાઓ કોઈપણ ચેતવણી વિના બની શકે છે.
ડૉક્ટરો કહે છે કે, ગોલ્ડન અવર દરમિયાન CPR આપવી એ સૌથી અસરકારક રીત છે જેના દ્વારા લોકોના જીવ બચાવી શકાય છે. કાર્ડિયોપલ્મોનરી રિસુસિટેશન (CPR) એ જીવન બચાવની તકનીક છે જે હાર્ટ એટેક જેવી કટોકટીની પરિસ્થિતિઓમાં જીવન બચાવી શકે છે. હાર્ટ એટેકના કિસ્સામાં, છાતીને યોગ્ય ઝડપે દબાવવાની આ પ્રક્રિયા યોગ્ય રક્ત પરિભ્રમણ જાળવવામાં મદદરૂપ થઈ શકે છે.
ડૉક્ટર્સ કહે છે કે,, હાર્ટ એટેક જેવી જીવલેણ પરિસ્થિતિથી બચવા માટે એ જરૂરી છે કે તમે હાર્ટ એટેકના સંકેતો પર ગંભીરતાથી ધ્યાન આપતા રહો. જો તમને ચક્કર આવવા, બેહોશ થવા જેવી સમસ્યાઓ આવી રહી છે, તો આ પણ હૃદય સંબંધિત સમસ્યાઓનો સંકેત હોઈ શકે છે. જો તમને આ લક્ષણો લાગે, તો સૂઈ જાઓ અને આરામ કરો. હાર્ટ એટેક આવે તો તરત જ એસ્પિરિનની ગોળી લેવાથી લોહી ગંઠાઈ જવાની સમસ્યા ઓછી થઈ શકે છે.
Disclaimer :લેખમાં આપવામાં આવેલી માહિતી અંગે અમે કોઈ દાવો કરતા નથી કે કોઈ જવાબદારી લેતા નથી..લેખમાં દર્શાવેલા સંબંધિત રોગ વિશે વધુ વિગતો માટે તમારા ડૉક્ટરની સલાહ લો.