તેલંગાણામાં ભારે વરસાદ અને પૂરના કારણે 29 લોકોનાં મોત થયાં હતાં..31 ઓગસ્ટથી 3 સપ્ટેમ્બર વચ્ચે નોંધાયેલા વરસાદના આધારે રાજ્યના 33 માંથી 29 જિલ્લાને પૂરગ્રસ્ત જાહેર કરવામાં આવ્યા હતાં..પૂર પીડિતોના પરિવારોને એક્સ-ગ્રેશિયા આપવામાં આવશે અને જિલ્લા કલેક્ટરને 29 લોકોના જીવ ગુમાવનારાઓની વિગતો મોકલવા માટે કહેવામાં આવ્યું છે. મુખ્ય પ્રધાન રેવન્ત રેડ્ડી રાહત અને પુનર્વસન પગલાં અંગે ચર્ચા કરવા સોમવારે એક બેઠક કરે તેવી શક્યતા છે. પ્રાથમિક અંદાજ મુજબ, રાજ્ય સરકારે વરસાદ અને પૂરને કારણે 5,438 કરોડ રૂપિયાના નુકસાનનો અંદાજ મૂક્યો છે.
હવામાન વિભાગે ઓડિશાના કેટલાક ભાગોમાં ભારે વરસાદની પણ આગાહી કરી છે. હવામાન વિભાગના જણાવ્યા અનુસાર બંગાળની ખાડીમાં બનેલું લો પ્રેશર એરિયા રવિવારે દબાણમાં ફેરવાઈ શકે છે.જેના કારણે આગામી ચાર દિવસ સુધી ઓડિશામાં વરસાદની સંભાવના છે. હવામાન બુલેટિનમાં જણાવવામાં આવ્યું છે કે, સિસ્ટમ હવે ઉત્તર-પશ્ચિમ અને મધ્ય બંગાળની ખાડીને અડીને આવેલા ઓછા દબાણના વિસ્તાર તરીકે સ્થિત છે. તે લગભગ ઉત્તર તરફ આગળ વધે અને 8 સપ્ટેમ્બરે ઉત્તર ઓડિશા-ગંગાના પશ્ચિમ બંગાળ કિનારે ઉત્તર-પશ્ચિમ બંગાળની ખાડીમાં ડિપ્રેશનમાં તીવ્ર બને તેવી શક્યતા છે, IMDએ જણાવ્યું કે, આગામી ત્રણ દિવસ દરમિયાન ગંગા તટવર્તી પશ્ચિમ બંગાળ, ઉત્તર ઓડિશા, ઝારખંડ અને અડીને આવેલા ઉત્તર છત્તીસગઢમાં પશ્ચિમ-ઉત્તરપશ્ચિમ તરફ આગળ વધે તેવી શક્યતા છે.