એક તરફ સરકાર બાળકોના વિકાસ માટે મસમોટું ભંડોળ ફાળવે છે તો બીજી તરફ શાળાએ જવા માટેના રસ્તા જ ઠેકાણા નથી. ક્યાંક ભાડાના જર્જરીત મકાનમાં દેશનો કુમળું ભાવી ભણવા મજબૂર બની રહ્યું છે..તો ક્યાંક ખરાબ રસ્તાના કારણે કુમળા વયના બાળકોની કમર તૂટી રહી હોવાના દ્રશ્યો સામે આવ્યા હતા..
રખિયાલ સરપંચના પતિ પણ પોતાની કાર લઈને ઉબડ ખાબડ રસ્તા પરથી અવાર-નવાર પસાર થાય છે..પણ તેમના પેટનું પાણી હલતુ ના હોય તેવું લાગે છે.ગ્રામ પંચાયત સરપંચ તેમજ સભ્યોને પણ સમસ્યાનું નિવારણ લાવવામાં કોઈ રસ દેખાતો હોય તેવું લાગતું નથી.. ખાડામાં ભરાઈ રહેતા પાણીને કારણે મચ્છરોનો ઉપદ્રવ વધવાથી રોગચાળાની પણ ભીતી સેવાઈ રહી છે..
ગ્રામજનો પણ હાલમાં ખાડાની સમસ્યાનું નિવારણ થાય તેની માંગ કરી રહ્યાં છે.. જિલ્લા સદસ્ય ભરતસિંહ ઝાલાએ પણ દિવાળી આસપાસ રખિયાલ સ્ટેશનથી રખિયાલ ગામનો રોડ અને ગળનારું રીપેરીંગ થવાનું આશ્વાસન આપ્યું હતું.