ઉત્તર કોરિયાએ કથિત રીતે ત્રીસ સગીર વિદ્યાર્થીઓની સામૂહિક હત્યા કરી કારણ કે તેઓ દક્ષિણ કોરિયન ટીવી શો જોતા હતા. દક્ષિણ કોરિયાના દૈનિક અખબાર ‘જોંગએંગ ડેલી’એ પોતાના સમાચારમાં આ માહિતી આપી છે.
સ્થાનિક કેબલ ટીવી ચેનલ ચોસુન, દક્ષિણ કોરિયાના સરકારી અધિકારીને ટાંકીને અહેવાલ આપે છે કે,ઉત્તર કોરિયાના સત્તાવાળાઓએ ગયા અઠવાડિયે માધ્યમિક શાળાના વિદ્યાર્થીઓને જાહેરમાં ગોળી મારી હતી. વિદ્યાર્થીઓએ કથિત રીતે યુએસબી પર સંગ્રહિત દક્ષિણ કોરિયન નાટકો જોયા હતા. આ USBs ગયા મહિને સિઓલથી બલૂન મારફતે ઉત્તર કોરિયા મોકલવામાં આવ્યા હોવાનું કહેવાય છે.
દક્ષિણ કોરિયાના એકીકરણ મંત્રાલયે અહેવાલની પુષ્ટિ કરવાનો ઇનકાર કર્યો હતો. મંત્રાલયના એક અધિકારીએ ગુરુવારે નામ જાહેર ન કરવાની શરતે પત્રકારોને જણાવ્યું હતું કે, “તે જાણીતું છે કે ઉત્તર કોરિયાના સત્તાવાળાઓ સખત રીતે લોકોને નિયંત્રિત કરે છે અને ‘પ્રતિક્રિયાત્મક વિચારધારા અને સંસ્કૃતિ અસ્વીકાર અધિનિયમ’ સહિતના ત્રણ કાયદાના આધારે સખત સજા કરે છે.”
મંત્રાલય દ્વારા પ્રકાશિત 2024 ઉત્તર કોરિયાના માનવાધિકાર અહેવાલમાં દક્ષિણ કોરિયાના નાટકો જોવા બદલ મૃત્યુદંડની સજાના કિસ્સાઓ પણ નોંધવામાં આવ્યા છે, એમ અધિકારીએ જણાવ્યું હતું.