બ્રિટિશ સામાન્ય ચૂંટણીઓમાં કન્ઝર્વેટિવ પાર્ટીને કારમી હારનો સામનો કરવો પડ્યો હતો, જ્યારે લેબર પાર્ટીએ મોટી જીત હાંસલ કરી છે.
વડાપ્રધાન બન્યા બાદ કીર સ્ટારમેરે દેશને પહેલો સંદેશ આપ્યો. જનતાને પોતાના સંબોધનમાં તેમણે બ્રિટનને એક મજબૂત દેશ તરીકે રજૂ કરવા પર ભાર મૂક્યો હતો. પીએમ કીર સ્ટારમેરે કહ્યું કે તેમનું કાર્ય અત્યંત મહત્વપૂર્ણ છે, જે આજથી શરૂ થાય છે.
61 વર્ષીય સ્ટારમેરે જણાવ્યું હતું કે બ્રિટનના પ્રથમ એશિયન વડા પ્રધાન બન્યા બાદ રિશી સુનકે વધારાના પ્રયાસો કર્યા હતા. કન્ઝર્વેટિવ પાર્ટીને હરાવીને કીર સ્ટારમરે બ્રિટનના નવા વડાપ્રધાન તરીકે ચાર્જ સંભાળ્યો છે. કેઇર સ્ટારમરની લેબર પાર્ટીએ સામાન્ય ચૂંટણીમાં 400થી વધુ બેઠકો જીતી છે. સ્ટારમર બકિંગહામ પેલેસમાં રાજા ચાર્લ્સ III સાથે મળ્યા હતા.પરંપરા અનુસાર, નવી સરકાર બનાવવા માટે બકિંગહામ પેલેસમાં હાથ ચુંબન નામના સમારોહનું આયોજન કરવામાં આવે છે.