પીએમ ઉજ્જવલા યોજના હેઠળ એલપીજી સિલિન્ડર લેનારા લોકોને કેન્દ્ર સરકારે મોટા સમાચાર આપ્યા છે. સરકારે ઉજ્જવલા યોજના હેઠળ ઉપલબ્ધ એલપીજી સિલિન્ડર પરની સબસિડી વધારીને 300 રૂપિયા કરી દીધી છે. કેબિનેટની બેઠક દરમિયાન સરકારે આ નિર્ણય લીધો હતો. અગાઉ, ઉજ્જવલા યોજના હેઠળ, એલપીજી સિલિન્ડર પર 200 રૂપિયાની સબસિડી મળતી હતી.
દિલ્હીમાં 603 રૂપિયામાં સિલિન્ડર મળશે
કન્દ્ર સરકાર તરફથી 300 રૂપિયા પ્રતિ સિલિન્ડરની સબસિડી મળ્યા બાદ, દિલ્હીમાં ઉજ્જવલા યોજનાના લાભાર્થીઓને 14.2 કિલોનું ઘરેલું LPG સિલિન્ડર હવે 603 રૂપિયામાં મળશે. ઉજ્જવલા યોજનાના લાભાર્થીઓને મુંબઈમાં 602.50 રૂપિયા, કોલકાતામાં 629 રૂપિયા અને ચેન્નાઈમાં 618.50 રૂપિયામાં ઘરેલું એલપીજી સિલિન્ડર મળશે.
9.6 કરોડ લોકોને ફાયદો થશે
હાલમાં સમગ્ર દેશમાં પીએમ ઉજ્જવલા યોજનાના લાભાર્થીઓની સંખ્યા 9.6 કરોડ છે. તેના કારણે દેશના 9.6 કરોડ લોકોને સબસિડીમાં વધારાનો સીધો ફાયદો થશે. પીએમ ઉજ્જવલા યોજના હેઠળ સરકાર ગરીબ લોકોને રાહત દરે એલપીજી સિલિન્ડર આપે છે.
સરકાર 75 લાખ વધારાના કનેક્શન આપશે
જેના કારણે સપ્ટેમ્બર મહિનામાં કેન્દ્ર સરકારે પ્રધાનમંત્રી ઉજ્જવલા યોજના હેઠળ ઓઈલ માર્કેટિંગ કંપનીઓને 75 લાખ એલપીજી કનેક્શન આપવા માટે 1650 કરોડ રૂપિયા મંજૂર કર્યા હતા. આ નાણાંનો ઉપયોગ ઉજ્જવલા યોજના હેઠળ નવા કનેક્શન આપવા માટે કરવામાં આવશે. 75 લાખ નવા કનેક્શન આપ્યા બાદ દેશભરમાં ઉજ્જવલા યોજનાના લાભાર્થીઓની સંખ્યા વધીને 10.35 કરોડ થઈ જશે.
શું છે પીએમ ઉજ્જવલા યોજના?
પીએમ ઉજ્જવલા યોજના કેન્દ્ર સરકારની યોજના છે. તેને વર્ષ 2016માં પીએમ મોદીએ લોન્ચ કરી હતી, જેમાં ગરીબી રેખા નીચે જીવતા લોકોને ગેસ કનેક્શન આપવામાં આવે છે.