LIC Jeevan Anand Policy: જો તમારી આવક ઓછી છે અને તમે વધારે રૂપિયા બચાવી શકતા નથી, તો આ સમાચાર તમારા માટે ખૂબ જ ઉપયોગી છે. કારણ કે તમે દરરોજ માત્ર 45 રૂપિયાની બચત કરીને પણ એલઆઈસી (LIC) માં રોકાણ શરૂ કરી શકો છો. એટલું જ નહીં, મેચ્યોરિટી પર આ 45 રૂપિયા તમને 25 લાખ રૂપિયાનું મોટુ ફંડ આપશે. જેના પછી રૂપિયાની ચિંતા પૂરી રીતે ખતમ થઈ જશે. અહીં અમે એલઆઈસી (LIC) ની જીવન આનંદ પોલિસી (Jeevan Anand Policy) વિશે વાત કરી રહ્યા છીએ. જેમાં રોકાણ કરવા પર તમને ડબલ બોનસ મળે છે. આટલું જ નહીં, તમને પોલિસી હેઠળ રોકાણમાં અન્ય ઘણા ફાયદા પણ મળી જાય છે.
આ છે 25 લાખ મેળવવાની ફોર્મ્યુલા
હકીકતમાં જો તમે દરરોજ 45 રૂપિયાની સેવિંગ કરો છો, તો 1350 રૂપિયા માસિક એકત્ર થાય છે. જીવન આનંદ પોલિસીમાં રોકાણ કરવા માટે પણ તમારે દર મહિને 1358ની જરૂર પડે છે. જો કે, તેના માટે તમારે લાંબા ગાળાનું રોકાણ કરવું પડશે. એટલે કે તમારી પોલિસી 35 વર્ષમાં મેચ્યોર થશે. મેચ્યોરિટી પર આ 45 રૂપિયા તમને 25 લાખ રૂપિયાનું ફેટ ફંડ આપશે. ઉપરાંત, તમને આ રૂપિયા જીવનના તે તબક્કે મળશે જ્યારે તમને રૂપિયાની સૌથી વધુ જરૂર હોય છે. કારણ કે મોટાભાગની નોકરીઓમાં 60 વર્ષ પછી નિવૃત્તિ થાય છે. તેથી જ નિવૃત્તિ પછી સુખી જીવન માટે 25 લાખનું ફંડ પૂરતું હોય છે.
આ દસ્તાવેજ હોવા જરૂરી
જો તમે આ પોલિસીમાં રોકાણ કરવા માગો છો, તો આધાર કાર્ડ, પાન કાર્ડ અને બેંક ખાતું હોવું ફરજિયાત છે. આ તમામ દસ્તાવેજો લઈને તમે નજીકના ભવિષ્ય નિધિ સંસ્થાની ઓફિસમાં જઈ શકો છો અને પોલિસી હેઠળ ખાતું ખોલાવી શકો છો. ઉપરાંત LIC એજન્ટ દ્વારા ખાતું ખોલાવીને રોકાણ શરૂ કરી શકાય છે. યાદ રાખો કે, પોલિસીનો હપ્તો ક્યારેય છૂટવો જોઈએ નહીં. નહિંતર, તમારે દંડ પણ ચૂકવવો પડી શકે છે. આપને જણાવી દઈએ કે જીવન આનંદ પોલિસી એકમાત્ર એવી પોલિસી છે જેમાં સબસ્ક્રાઇબર્સને ડબલ બોનસનો લાભ મળે છે.