પાકિસ્તાનની આર્થિક સ્થિતિ ખરાબ થવાની સાથે જ તેની વિચારસરણી પણ સાવ નીચલા સ્તરની થતી જાય છે. દુનિયા સામે કટોરો લઈને લોનની ભીખ માંગનાર પાકિસ્તાને સારી વિચારસરણી માટે પણ ‘લોન’ લેવી જોઈએ. ફરી એકવાર પાકિસ્તાને પોતાની નાપાક હરકતોથી પોતાનું વિશ્વ સામે અપમાન કરાવ્યું છે. પાકિસ્તાને વર્ષ 2018 માં, વિંગ કમાન્ડર અભિનંદન વર્ધમાનને પીરસવામાં આવેલ ચાનું બિલ જારી કર્યું અને તેની કિંમત પણ જણાવી. જેની ચર્ચા ચાલી રહી છે. અભિનંદન વર્ધમાનને પીરસવામાં આવેલી ચાનું બિલ પાકિસ્તાન મુસ્લિમ લીગ નવાઝના સત્તાવાર ટ્વિટર હેન્ડલ પરથી બહાર પાડવામાં આવ્યું છે.
પાકિસ્તાનની આ નાપાક હરકત વિંગ કમાન્ડર અભિનંદન વર્ધમાન સાથે જોડાયેલી છે, વર્ષ 2019માં પોતાના ગ્રુપ કેપ્ટન અભિનંદનને પીરસવામાં આવેલી ચાનું બિલ પોતાના ટ્વિટર હેન્ડલ પર શેર કર્યું છે. આ બિલમાં વિંગ કમાન્ડરને પીરસવામાં આવેલી ચાની કિંમત મિગ-21 લખવામાં આવી છે. આ પહેલા પણ પાકિસ્તાને એકવાર ભારતીય વાયુસેનાના પાયલટ અભિનંદન વર્ધમાનની તસવીરનો ઉપયોગ કરીને ભારતની મજાક ઉડાવી હતી.