દુબઈના વડા પ્રધાન શેખ મોહમ્મદ બિન રશીદ અલ મકતુમે તાજેતરમાં દુબઈ શહેરના એક જિલ્લાનું નામ બદલીને ‘હિંદ શહેર’ કરી દીધું છે. આ શહેરમાં હિંદ-1, હિંદ-2, હિંદ-3 અને હિંદ-4 રાખવામાં આવ્યા છે. આ સમગ્ર વિસ્તાર લગભગ 84 કિમીનો છે. આ વિસ્તાર સંયુક્ત આરબ અમીરાતના નાગરિકોનું ઘર છે અને અમીરાત રોડ, દુબઈ અલ આઈન રોડ અને જેબેલ અલી લેહબાબ રોડ દ્વારા જોડાયેલ છે. સોશિયલ મીડિયામાં ઘણા લોકોએ દાવો કરવાનું શરૂ કર્યું કે આ શહેરનું નામ ભારતીય હિન્દુઓના યોગદાન પર રાખવામાં આવ્યું છે.
નિષ્ણાતો શું કહે છે?
જ્યારે કેટલાક નિષ્ણાતોનું કહેવું છે કે દુબઈના શાસકે આ શહેરનું નામ તેમની પત્ની શેખ હિંદ બિન્ત મકતુમ બિન જુમાના નામ પરથી ‘હિંદ’ રાખ્યું. દુબઈની મીડિયા ઓફિસે શહેરનું નામ બદલવાની જાહેરાત કરી છે. નિવેદનમાં અલ મિન્હાદ શહેરનું નામ બદલીને હિંદ કેમ રાખવામાં આવ્યું તેની કોઈ જાહેરાત કરવામાં આવી નથી. એટલું જ નહીં, પ્રાચીન કાળમાં સમગ્ર આરબ પ્રદેશમાં છોકરીઓ માટે હિંદ શબ્દનો વારંવાર ઉપયોગ થતો હતો. હિંદનો અર્થ 100 ઊંટ પણ થાય છે.
બુર્જ ખલીફાનું નામ પણ બદલવામાં આવ્યું હતું
આ પહેલીવાર નથી જ્યારે દુબઈમાં કોઈ વિસ્તારનું નામ બદલવામાં આવ્યું હોય. 2010 પછી સૌથી મોટો નામ ફેરફાર બુર્જ ખલિફા છે, જે અગાઉ બુર્જ દુબઈ તરીકે ઓળખાતું હતું. UAEના રાષ્ટ્રપતિ શેખ ખલીફા બિન જાયદ અલ નાહયાનના કહેવા પર તેને બદલવામાં આવ્યું હતું. વર્ષ 2022માં તેમનું અવસાન થયું હતું. કહેવામાં આવી રહ્યું છે કે દુબઈના શાસકના નિર્દેશ પર હિંદ શહેરનું નામ રાખવામાં આવ્યું છે. હિંદ શહેરનું નામ રાખનાર શેખ મોહમ્મદ બિન રશીદ અલ મકતુમ, યુએઈના વડા પ્રધાન હોવાની સાથે જ રક્ષા મંત્રી પણ છે.
તાજેતરમાં જ હિંદુ મંદિરનું ઉદ્ઘાટન થયું
શેખ મોહમ્મદ બિન રશીદ અલ મકતુમ યુએઈના ભૂતપૂર્વ ઉપરાષ્ટ્રપતિ અને દુબઈના શાસક શેખ રશીદ બિન સઈદ અલ મકતુમના ત્રીજા પુત્ર છે. અલ મકતુમ એ વિશ્વના સૌથી પ્રભાવશાળી રિયલ એસ્ટેટ ડેવલપર્સમાંના એક છે. દુબઈના વર્તમાન શાસકની પત્ની હિંદ બિન્ત મકતુમ તેના પરોપકારી સ્વભાવ માટે જાણીતી છે. તાજેતરમાં UAEમાં એક વિશાળ હિન્દુ મંદિરનું ઉદ્ઘાટન કરવામાં આવ્યું. અબુધાબીમાં એક બીજું મંદિર પણ બનાવવામાં આવી રહ્યું છે. UAEમાં લાખો ભારતીયો રહે છે