રાજસ્થાનના ભરતપુરમાં એક ભયાનક અકસ્માત થયો . શનિવારે સવારે ભરતપુરમાં એક ચાર્ટર્ડ પ્લેન ક્રેશ થયું છે.
ભરતપુરમાં જે હેલિકોપ્ટર ક્રેશ થયું તે કઈ કંપનીનું હતું અને તેમાં કોણ સવાર હતું તે હજુ સુધી જાણી શકાયું નથી. જો કે, અહેવાલો અનુસાર, જેટનો કાટમાળ ભરતપુરમાં જોવા મળ્યો હતો. ભરતપુર જિલ્લા મેજિસ્ટ્રેટ આલોક રંજને અગાઉના અહેવાલને ચાર્ટર જેટની પુષ્ટિ કરી હતી.
મધ્યપ્રદેશના મુરેનામાં એરફોર્સના બે ફાઈટર જેટ ક્રેશ
ભરતપુરના હેલિકોપ્ટર દુર્ઘટના ઉપરાંત મધ્યપ્રદેશના મુરેનામાં પણ મોટી દુર્ઘટના થઈ છે. મધ્યપ્રદેશના મુરેના પાસે ભારતીય વાયુસેનાના બે ફાઈટર જેટ ક્રેશ થયા છે. આ ફાઈટર જેટ્સમાં એક સુખોઈ-30 અને એક મિરાજ 2000 એરક્રાફ્ટ છે. કહેવામાં આવી રહ્યું છે કે બંને વિમાનોએ ગ્વાલિયર એરબેઝથી ઉડાન ભરી હતી, જ્યાં અભ્યાસ ચાલી રહ્યો હતો. હાલ સર્ચ એન્ડ રેસ્ક્યુ ઓપરેશન શરૂ કરવામાં આવ્યું છે.
સુખોઈ-30માં સવાર બંને પાઈલટ સુરક્ષિત
રક્ષા સૂત્રોએ જણાવ્યું છે કે દુર્ઘટના સમયે સુખોઈ-30માં બે પાઈલટ હતા જ્યારે મિરાજ 2000માં એક પાઈલટ હતો. પ્રારંભિક અહેવાલો સૂચવે છે કે સુખોઈ-30માં સવાર બે પાઈલટ સુરક્ષિત છે, જ્યારે મિરાજના પાઈલટનો કોઈ પત્તો લાગ્યો નથી. એરફોર્સનું હેલિકોપ્ટર ત્રીજા પાયલટના સ્થાન પર ટૂંક સમયમાં પહોંચી રહ્યું છે.