નેપાળમાં એક મોટી વિમાન દુર્ઘટના થઈ. નેપાળના પોખરામાં યતિ એરલાઇન્સનું ATR-72 વિમાન ક્રેશ થયું હતું, જેમાં સવાર તમામ મુસાફરોના મોત થયા હતા. તેમાં 4 ક્રૂ મેમ્બર સહિત 68 મુસાફરો હતા. આ અકસ્માતનું કારણ હજુ સ્પષ્ટ થયું નથી.તેની તપાસ હાલ ચાલી રહી છે. એવું કહેવામાં આવી રહ્યું છે કે આ દુર્ઘટના ટેક્નિકલ ખામી અથવા માનવ ભૂલના કારણે થઈ શકે છે. સંપૂર્ણ તપાસ રિપોર્ટ આવ્યા બાદ જ ક્રેશનું કારણ જાણી શકાશે. તપાસ સમિતિ બ્લેક બોક્સની પણ તપાસ કરશે. બ્લેક બોક્સથી જ એ જાણી શકાશે કે ક્રેશ પહેલા પ્લેનમાં શું ચાલી રહ્યું હતું.
બ્લેક બોક્સ શું છે?
બ્લેક બોક્સ એક એવું ડિવાઇસ છે જે વિમાનમાં હોય છે. તે એરક્રાફ્ટ અને ફ્લાઇટ રિઝલ્ટની કામગીરીને રેકોર્ડ કરે છે. તેમાં ઘણા પરિબળો નોંધાયેલા છે. આ એરસ્પીડ, ઊંચાઈ. વર્ટિકલ એક્સલેરેશન અને ફ્યૂલ ફ્લો સહિતની તમામ વિગતો રેકોર્ડ કરે છે.તે બે કોમ્પોનેંટ્સ ધરાવે છે. એક કમ્પોનન્ટ ફ્લાઇટ ડેટા રેકોર્ડર (FDR) અને કોકપિટ વોઇસ રેકોર્ડર (CVR) છે. નામ પ્રમાણે CVR કોકપિટમાં થતી વાતચીતને રેકોર્ડ કરે છે. જેમાં પાયલટ અને એર ટ્રાફિક કંટ્રોલ સાથેની વાતચીત રેકોર્ડ કરવામાં આવી છે.
જો કે, CVR માત્ર 2 કલાક કોકપિટ રેકોર્ડિંગ ધરાવે છે. નિશ્ચિત સમય સાથે તેને નવા ડેટા સાથે બદલવામાં આવે છે. જ્યારે FDR ફ્લાઇટનો 25 કલાક સુધીનો ડેટા સ્ટોર કરે છે.
ઓરેંજ કલરનું હોય છે બ્લેક બોક્સ
બ્લેક બોક્સ સામાન્ય રીતે પ્લેનના પાછળના ભાગમાં ફીટ કરવામાં આવે છે. એવું માનવામાં આવે છે કે તે અકસ્માતમાં બચી જાય છે કારણ કે તે સૌથી ઓછો અસરગ્રસ્ત એરિયા હોય છે. જો કે આ ડિવાઇસ ઠોસ નક્કર બનેલું બોય છે અને તે 3,400 Gs અથવા ગુરુત્વાકર્ષણ એક્સલરેશન પર પણ ટકી શકે છે.
આ ઉપરાંત, તે પાણીના દબાણ હેઠળ 1100 °C તાપમાન અને 20,000 ફૂટ ઊંડાઈનો પણ સામનો કરી શકે છે. તેમ છતાં, બ્લેક બોક્સ ફક્ત નામમાં કાળું છે, તેનો કલર સામાન્ય રીતે ડેપ્થ ઓરેન્જ કલરનો હોય છે.
ANC ATR 72 ના કિસ્સામાં, ફ્લાઇટ યોગ્ય ઊંચાઈએ ઉડી રહી હતી કે નહીં તેની પુષ્ટિ કરવા માટે બ્લેક બોક્સની શોધ કરવામાં આવશે. ગ્રાફની વિગતો મુજબ, ફ્લાઇટની હાઇટ લિમિટ કરતાં વધુ હતી. જો કે બ્લેક બોક્સ મળી આવશે તો ખબર પડશે કે ફ્લાઇટ દરમિયાન પાયલોટ ઓછા ઈંધણ કે કોમ્યુનિકેશનની સમસ્યાનો સામનો કરી રહ્યો હતો કે પછી અન્ય કોઈ સમસ્યા હતી