દહેગામ તાલુકાના પાટનાકુવા ગામે એક હૃદયદ્રાવક ઘટના સામે આવી છે.
જેમાં ગલ્લા પર મસાલો લેવા ગયેલા યુવકનું વીજ કરંટ લાગવાથી અચાનક જ કમકમાટીભર્યું મોત નીપજ્યું હતું. આ અણધારી આફતના કારણે સમગ્ર ગામમાં શોકનું મોજું ફરી વળ્યું છે.
પ્રાપ્ત માહિતી અનુસાર, પાટનાકુવા ગામે રહેતા દંતાણી મહેન્દ્રકુમાર અમરતભાઈ કોઈ કામ અર્થે અને ગલ્લા પર મસાલો લેવા માટે ગયા હતા. તે દરમિયાન અચાનક ગલ્લા પર વીજ પ્રવાહ ઉતરતા તેઓ કરંટની ઝપેટમાં આવી ગયા હતા. કરંટ એટલો તીવ્ર હતો કે મહેન્દ્રકુમાર ગંભીર રીતે ઘાયલ થઈ ગયા અને સ્થળ પર જ તેમનું દુઃખદ અવસાન થયું હતું.