મોંઘવારીનો માર: પેટ્રોલ-ડીઝલના ભાવમાં ₹3 સુધીનો વધારો, જાણો તમારા શહેરમાં હવે શું છે નવી કિંમતો

દેશમાં સામાન્ય જનતા પર મોંઘવારીનો વધુ એક બોજ ઝીંકાયો છે. તેલ કંપનીઓએ વૈશ્વિક બજારમાં ક્રૂડ ઓઈલની વધતી કિંમતોનો ભાર હવે ગ્રાહકો પર નાખવાનું શરૂ કર્યું છે, જેના કારણે શુક્રવારથી પેટ્રોલ અને ડીઝલના ભાવમાં ધરખમ વધારો થયો છે. મળતી માહિતી મુજબ, ઈંધણના ભાવમાં પ્રતિ લિટર 3 રૂપિયા સુધીનો વધારો કરવામાં આવ્યો છે.

આ નવા ભાવ આજે શુક્રવારે સાંજે 5 વાગ્યાથી દેશભરમાં અમલી બની ગયા છે.

મુખ્ય શહેરોમાં પેટ્રોલના નવા ભાવ (પ્રતિ લિટર)

મુખ્ય શહેરોમાં ડીઝલના નવા ભાવ (પ્રતિ લિટર)

ભાવ વધારા પાછળના મુખ્ય કારણો

પેટ્રોલ અને ડીઝલની કિંમતોમાં થયેલા આ વધારા માટે આંતરરાષ્ટ્રીય ભૌગોલિક-રાજકીય (Geopolitical) પરિસ્થિતિ જવાબદાર છે:

• મિડલ ઈસ્ટમાં તણાવ: લાંબા સમયથી મધ્ય પૂર્વના દેશોમાં ચાલી રહેલા યુદ્ધ અને સંઘર્ષને કારણે તેલના વૈશ્વિક પુરવઠા પર માઠી અસર પડી છે.

• હોર્મુઝ સ્ટ્રેટ (Hormuz Strait) માં અવરોધ: અમેરિકા અને ઈરાન વચ્ચેના સંઘર્ષ દરમિયાન આ મહત્વપૂર્ણ જળમાર્ગ પરથી તેલની અવરજવર ખોરવાઈ હતી.

• ક્રૂડ ઓઈલની અછત: અમેરિકા અને ઈરાન વચ્ચે સીઝફાયર થયો હોવા છતાં, હોર્મુઝ સ્ટ્રેટનો વિવાદ સંપૂર્ણપણે ઉકેલાયો નથી. આ સંકટને કારણે આંતરરાષ્ટ્રીય બજારમાં કાચા તેલ (Crude Oil) ની કિંમતોમાં મોટો ઉછાળો આવ્યો છે, જેના પરિણામે ભારતીય તેલ કંપનીઓએ ભાવ વધારવાની ફરજ પડી છે.