શ્રીલંકાનું પત્તું કપાયું, ન્યૂઝીલેન્ડ મજબૂત; પાકિસ્તાન પર બહાર ફેંકાવાનું જોખમ!”

મિશેલ સેન્ટનર અને કોલ મેકકોન્ચી વચ્ચેની અડધી સદીની ભાગીદારી અને રચિન રવિન્દ્રના શાનદાર બોલિંગ પ્રદર્શનને કારણે ન્યુઝીલેન્ડે T20 વર્લ્ડ કપ 2026 માં સહ-યજમાન શ્રીલંકાને 61 રનથી હરાવ્યું.આનાથી ટુર્નામેન્ટમાં શ્રીલંકાના અભિયાનનો અંત આવ્યો. ટીમ હવે પાકિસ્તાન સામે તેની છેલ્લી મેચ રમશે.બુધવારે કોલંબોમાં રમાયેલી મેચમાં ન્યુઝીલેન્ડે 20 ઓવરમાં સાત વિકેટે 168 રન બનાવ્યા. જયારે શ્રીલંકા નિર્ધારિત ઓવરમાં આઠ વિકેટે માત્ર 107 રન જ બનાવી શક્યું હતુ…અને મેચ હારી ગયું હતુ..

સુપર 8 મેચમાં વિજય સાથે ન્યુઝીલેન્ડ ગ્રુપ 2 પોઈન્ટ ટેબલમાં બીજા સ્થાને પહોંચી ગયું…તેમના 3 પોઈન્ટ અને +3.050 નો નેટ રન રેટ છે.દરમિયાન, ઇંગ્લેન્ડ ચાર પોઈન્ટ સાથે ટોચ પર છે.ન્યુઝીલેન્ડ હવે શુક્રવારે ઇંગ્લેન્ડ સામે સુપર 8 માં પોતાની છેલ્લી મેચ રમશે.સતત બે હાર બાદ શ્રીલંકા પોઈન્ટ ટેબલમાં સૌથી નીચે સરકી ગયું છે..પાકિસ્તાન હાલમાં એક પોઈન્ટ અને -0.461 ના નેટ રન રેટ સાથે ત્રીજા સ્થાને છે.સલમાન આગાની ટીમ 28 ફેબ્રુઆરીએ પોતાની અંતિમ મેચ રમશે.જો પાકિસ્તાન આ મેચ જીતી જાય તો પણ તેને ફક્ત ત્રણ પોઈન્ટ મળશે.. પરંતુ ન્યુઝીલેન્ડ નેટ રન રેટના આધારે તેમને પાછળ છોડી દેશે અને સેમિફાઇનલ માટે ક્વોલિફાય થશે.