મહારાષ્ટ્રમાં બે કરોડ વિદ્યાર્થીઓએ વિશ્વ વિક્રમ બનાવ્યો,7 લાખ શિક્ષકોએ કાર્યક્રમમાં ભાગ લીધો

મહારાષ્ટ્રમાં પ્રજાસત્તાક દિવસ નિમિત્તે એક ઐતિહાસિક ઘટના બની.’નેશન ફર્સ્ટ’ પહેલ હેઠળ રાજ્યની એક લાખથી વધુ શાળાઓના બે કરોડથી વધુ વિદ્યાર્થીઓએ દેશભક્તિના ગીતો સાથે સામૂહિક કસરતો કરી..આ કાર્યક્રમ એટલો મોટો હતો કે તેને વર્લ્ડ બુક ઓફ રેકોર્ડ્સ, લંડન દ્વારા વિશ્વ વિક્રમ તરીકે માન્યતા આપવામાં આવ્યું છે..લગભગ 7 લાખ શિક્ષકોએ પણ આ કાર્યક્રમમાં ભાગ લીધો હતો.બધી શાળાઓમાં રાષ્ટ્રધ્વજ ફરકાવ્યા બાદ વિદ્યાર્થીઓએ શિસ્તબદ્ધ રીતે સાથે કૂચ કરી.આ માટે શાળા શિક્ષણ વિભાગે બધી શાળાઓમાં 14 મિનિટનો ખાસ તાલીમ વિડિઓ મોકલ્યો જેથી બાળકો અગાઉથી પ્રેક્ટિસ કરી શકે.આ માટેની તૈયારીઓ છેલ્લા ઘણા મહિનાઓથી ચાલી રહી હતી.

શાળા શિક્ષણ મંત્રી દાદા ભૂસેએ જણાવ્યું કે,આ પહેલનો ઉદ્દેશ્ય વિદ્યાર્થીઓના મનમાં દેશભક્તિ, શિસ્ત અને એકતાની ભાવનાને મજબૂત કરવાનો હતો..તેમણે ઉમેર્યું કે જિલ્લા વહીવટીતંત્ર, પોલીસ, આરોગ્ય વિભાગ, ફાયર બ્રિગેડ અને સામાજિક સંગઠનોએ પણ આ કાર્યક્રમને સફળ બનાવવા માટે સંપૂર્ણ સહયોગ આપ્યો હતો…છત્રપતિ સંભાજીનગર જિલ્લામાં યોજાયેલા કાર્યક્રમને એશિયા બુક ઓફ રેકોર્ડ્સ અને ઇન્ડિયા બુક ઓફ રેકોર્ડ્સમાં પણ સ્થાન આપવામાં આવ્યું છે. મંત્રીએ જણાવ્યું કે દર શનિવારે બધી શાળાઓ હવે દેશભક્તિના ગીતો પર જૂથ કસરતો કરશે.આનાથી બાળકોમાં દેશભક્તિની ભાવના વધુ ગાઢ બનશે.