પત્ની શિબાનીએ ફરહાન અખ્તરને તેમના જન્મદિવસ પર શુભેચ્છા પાઠવી, એક રોમેન્ટિક વિડિઓ શેર કર્યો; લખ્યું ” મારો શ્રેષ્ઠ મિત્ર…”

નિર્માતા-દિગ્દર્શક-ગાયક અને અભિનેતા ફરહાન અખ્તરનો જન્મદિવસ પર ફરહાનની પત્ની, અભિનેત્રી શિબાની દાંડેકરે, તેના પતિ માટે એક મીઠો અને ભાવનાત્મક જન્મદિવસ સંદેશ શેર કર્યો. તેણીએ તેમની સાથેની સફરને “એક વિશાળ સાહસ” તરીકે વર્ણવી.

શિબાનીએ ઇન્સ્ટાગ્રામ પર એક સુંદર વિડિઓ શેર કર્યો છે.જેમાં બંનેના જૂના સુંદર અને રોમેન્ટિક ક્ષણો બતાવવામાં આવ્યા છે. અદભુત વિડિઓ સાથે, શિબાનીએ તેને કેપ્શન આપ્યું, “મારો શ્રેષ્ઠ મિત્ર. મારી ખુશીની જગ્યા. મારું બધું. તમારી સાથે જીવન સૌથી મોટું સાહસ છે. અને હું તેને આગળ લઈ જવા માંગુ છું. જન્મદિવસની શુભેચ્છાઓ, મારા પ્રિય ફરહાન.તમને ખૂબ ખૂબ પ્રેમ છે.”

શિબાની અને ફરહાનનું ફેબ્રુઆરી 2022 માં ખંડાલામાં અખ્તર પરિવારના ઘર “સુકૂન” ખાતે સાદગીથી લગ્ન થયું હતું. લગ્ન કરતા પહેલા તેઓ લગભગ ચાર વર્ષ સુધી ડેટ કરતા હતા. તેમના સંબંધો 2018 ની આસપાસ શરૂ થયા.આ ફરહાનના બીજા લગ્ન હતા. તેમણે પહેલા અધુના ભાબાની સાથે લગ્ન કર્યા હતા.પરંતુ પછીથી તેમના છૂટાછેડા થઈ ગયા.

ફરહાન અખ્તરનો વર્કફ્રન્ટ

ફરહાને 2001 માં “દિલ ચાહતા હૈ” ફિલ્મનું દિગ્દર્શન કરીને બોલિવૂડમાં પ્રવેશ કર્યો. છેલ્લા 25 વર્ષોમાં, તેમણે દિગ્દર્શક, તેમજ સફળ અભિનેતા, ગાયક, સંગીતકાર અને નિર્માતા તરીકે નામના મેળવી છે. તેઓ હાલમાં તેમની આગામી ફિલ્મ “ડોન 3” ની તૈયારી કરી રહ્યા છે.