અમેરિકામાં ‘શાકાહારી ડાયનાસોર’નું 11 કરોડ વર્ષ જૂનું હાડપિંજર મળ્યું..

અમેરિકાના ટેક્સાસમાં પ્રાચીન ડાયનાસોરના હાડકાંની મોટી શોધ થઈ છે. વૈજ્ઞાનિકોને ટેનોન્ટોસોરસ નામના ડાયનાસોરના અવશેષો મળ્યા છે..જે સંપૂર્ણપણે શાકાહારી હતુ..આ ડાયનાસોર આશરે 11.5 કરોડ વર્ષ પહેલાં પૃથ્વી પર રહેતું હતું.આ શોધ ડાયનાસોરની શ્રેણીનો વિસ્તાર દર્શાવે છે. ડૉ.જેસન ડબલ્યુ.રિકેટ્સ અને તેમની ટીમે આ સંશોધન હાથ ધર્યું હતું..તેઓ સમજાવે છે કે સચોટ લેન્ડ મેપિંગ અને ઊંડાણપૂર્વકની તપાસ આવા પ્રાચીન ખજાનાને ઉજાગર કરી શકે છે.

શોધનું મહત્વ શું ?

આ શોધ પહેલા વૈજ્ઞાનિકો માનતા હતા કે આ ટેનોન્ટોસોરસ ડાયનાસોર ફક્ત મોન્ટાના અને એરિઝોના જેવા ઉત્તરીય પ્રદેશોમાં રહેતા હતા.પરંતુ હવે તેમના અવશેષો સેંકડો માઇલ દૂર મળી આવ્યા છે.આ હાડકાં યુક્કા ફોર્મેશન નામના પ્રાચીન ખડકોમાં દટાયેલા મળી આવ્યા હતા.. જે લાખો વર્ષ જૂના છે.

શું શોધાયું ?

આ શોધમાં વૈજ્ઞાનિકોને ડાયનાસોરના પૂંછડીના હાડકાં અને તેના જાંઘના હાડકાના પાછળના ભાગના ટુકડા મળ્યા.ભલે થોડા જ ટુકડા મળી આવ્યા હતા. તે ડાયનાસોરના વર્તન અને રહેઠાણને સમજવા માટે પૂરતા હતા. આ શોધ દર્શાવે છે કે જો યોગ્ય સંશોધન કરવામાં આવે તો ભૂગર્ભમાં દટાયેલા ઇતિહાસના વધુ રહસ્યો શોધી શકાય છે.

શોધ શું લાવશે?

પહેલાના સમયના ડાયનાસોર વિશે ખૂબ જ ઓછી માહિતી છે કારણ કે તેમના હાડકાં સંપૂર્ણ રીતે મળી આવ્યા ન હતા. તે સમયથી જે પણ હાડકાં મળી આવ્યા હતા તે ખૂબ જ નાના અને ટુકડાઓમાં હતા. હવે, ટેનોન્ટોસોરસના અવશેષો સાથે, વૈજ્ઞાનિકો વિવિધ પ્રદેશોમાં રહેતા ડાયનાસોરની તુલના કરી શકશે અને તેમના જીવનને સમજી શકશે.