ભગવાન વિષ્ણુની પ્રતિમા પર બુલડોઝર કેમ ચલાવવામાં આવ્યું? થાઈ સરકારે કરી સ્પષ્ટતા

થાઈલેન્ડ દ્વારા દેશમાં ભગવાન વિષ્ણુની પ્રતિમાને તોડી પાડવા સામે ભારતના ઉગ્ર વાંધાને પગલે થાઈ સરકારે હવે સ્પષ્ટતા જારી કરી છે.તેમાં કહેવામાં આવ્યું છે કે, આ પ્રતિમા ફક્ત સરહદ પર “સુશોભન માળખું” હતું.તોડી પાડવાનો એક વીડિયો સામે આવ્યા બાદ ભારતે આ કાર્યવાહીની ટીકા કરી હતી.ગુરુવારે થાઈલેન્ડના વડાપ્રધાન અનુતિન ચાર્નવિરાકુલે જણાવ્યું કે”તૂટેલી પ્રતિમાની તુલના સૈનિકોના જીવન અથવા અંગો સાથે કરી શકાતી નથી.”

થાઈ સરકારે પોતાની સ્પષ્ટતામાં શું કહ્યું?

થાઈ સરકારે સ્પષ્ટતા કરી હતી કે પ્રતિમા કોઈ ધાર્મિક સ્થળ નથી.. પરંતુ થાઈ-કંબોડિયા સરહદના વિવાદિત વિસ્તારમાં સુરક્ષા અને પ્રાદેશિક નિયંત્રણ માટે તેને દૂર કરવામાં આવી હતી.. અને આ કાર્યવાહીનો હેતુ કોઈપણ ધર્મનું અપમાન કરવાનો નહોતો. નિવેદનમાં કહેવામાં આવ્યું છે કે તે વીડિયો વાયરલ થવાથી થતી ગેરસમજ બદલ ખેદ વ્યક્ત કરે છે.. પરંતુ તે નોંધાયેલ ધાર્મિક સ્થળ નથી.

કંબોડિયાએ આ દાવો કર્યો 

નોંધનીય છે કે ભારતે બુધવારે વિદેશ મંત્રાલય દ્વારા એક કડક નિવેદન બહાર પાડીને તેને દુર્ભાગ્યપૂર્ણ ગણાવ્યું હતું. ભારતે જણાવ્યું હતું કે પ્રાદેશિક દાવાઓ હોવા છતાં આવા અપમાનજનક કૃત્યો હિન્દુ અને બૌદ્ધ ભક્તોની લાગણીઓને ઠેસ પહોંચાડે છે.. જે આપણી સહિયારી સભ્યતાનો વારસો છે.કંબોડિયાના પ્રેહ વિહાર પ્રાંતના પ્રવક્તાએ પણ આ ઘટનાની નિંદા કરી હતી અને દાવો કર્યો હતો કે પ્રતિમા તેમના પ્રદેશના એન સેસ વિસ્તારમાં છે. કંબોડિયાએ થાઈ સેના પર પ્રાચીન મંદિરોને નુકસાન પહોંચાડવાનો પણ આરોપ લગાવ્યો હતો.. જે દાવાને બેંગકોકે નકારી કાઢ્યો હતો.

કંબોડિયા અને થાઈલેન્ડ વિવાદ

આ ઘટના બે પડોશીઓ વચ્ચે બે અઠવાડિયાના લશ્કરી સંઘર્ષને અનુસરે છે.. જેમાં થાઈલેન્ડમાં 23 લોકો, જેમાં મોટાભાગે સૈનિકો હતા.. માર્યા ગયા હતા અને કંબોડિયામાં 21 નાગરિકો માર્યા ગયા હતા.બંને દેશો એકબીજા પર સંઘર્ષ ઉશ્કેરવાનો અને નાગરિકોને નિશાન બનાવવાનો આરોપ લગાવતા રહે છે.ગૂગલ મેપ્સ સ્પષ્ટપણે દર્શાવે છે કે પ્રતિમા સરહદથી થોડા અંતરે સ્થિત હતી.. પરંતુ જૂનો સરહદ વિવાદ ફરી ભડકી ગયો છે.