કૃપા કરીને મદદ કરો,’ યુક્રેનમાં ફસાયેલા ગુજરાતી યુવકે પીએમ મોદીને કરી અપીલ

ગુજરાતના મોરબીનો એક યુવાન રશિયા માટે યુદ્ધમાં ભાગ લેવાના આરોપસર યુક્રેનમાં જેલમાં છે. તેના પરિવારને મોકલવામાં આવેલા એક વિડીયો સંદેશમાં, તે વ્યક્તિએ ભારત સરકાર અને વડાપ્રધાન નરેન્દ્ર મોદીને તેની મુક્તિ માટે મદદ માટે અપીલ કરી. 23 વર્ષીય યુવાને અભ્યાસ અથવા કામ માટે રશિયા જતા ભારતીય નાગરિકોને છેતરપિંડી કરનારાઓથી સાવધ રહેવા ચેતવણી પણ આપી હતી.

મોરબીના કાલિકા પ્લોટ વિસ્તારના રહેવાસી સાહિલ મોહમ્મદ હુસૈન માજોથી ઓક્ટોબરની શરૂઆતમાં યુક્રેનિયન અધિકારીઓએ એક વિડીયો ક્લિપ બહાર પાડી ત્યારે હેડલાઇન્સમાં આવ્યા હતા.જેમાં તે યુક્રેનિયન અધિકારીઓ સમક્ષ આત્મસમર્પણ કરતો દર્શાવવામાં આવ્યો હતો. માજોથી 10 જાન્યુઆરી, 2024 ના રોજ ITMO યુનિવર્સિટીમાં રશિયન ભાષા અને સંસ્કૃતિનો અભ્યાસ કરવા માટે વિદ્યાર્થી વિઝા પર રશિયાના સેન્ટ પીટર્સબર્ગ ગયા હતા.તેમના પર એક પોલીસ કેસમાં સંડોવણીનો આરોપ છે જેના માટે તેમને જેલની સજા ફટકારવામાં આવી હતી.રશિયા માટે લડવા માટે યુદ્ધભૂમિ પર જવાની ફરજ પાડવામાં આવી હતી..જ્યાં તેમને યુક્રેનિયન દળો દ્વારા પકડી લેવામાં આવ્યા હતા.

યુક્રેનમાં કેદ થયેલા એક યુવાને ભારતીયોને ચેતવણી આપી હતી. રવિવારે રાત્રે, પરિવારને બે વિડીયો સંદેશાઓ (એક અંગ્રેજીમાં અને બીજો હિન્દીમાં) મળ્યા હતા જે કથિત રીતે યુક્રેનિયન અધિકારીઓ દ્વારા મોકલવામાં આવ્યા હતા. સંદેશમાં, સાહિલ કહેતો જોઈ શકાય છે કે, “હાલમાં, હું યુક્રેનમાં યુદ્ધ ગુનેગાર તરીકે ફસાયો છું. હું હવે નિરાશ છું.. મને ખબર નથી કે ભવિષ્ય શું છે.. પરંતુ હું આપણા સાથી ભારતીયોને સંદેશ આપવા માંગુ છું. ઉચ્ચ શિક્ષણ અથવા કામ માટે રશિયા આવતા ભારતીયો, સાવચેત રહો, કારણ કે અહીં ઘણા કૌભાંડીઓ છે. તમે ગુનાહિત કેસ, ડ્રગ કેસ અને ગેરકાયદેસર પ્રવૃત્તિઓમાં ફસાઈ શકો છો.. તેથી સાવચેત રહો. શક્ય હોય ત્યાં સુધી આથી દૂર રહો.”

સાહિલનો વીડિયો ઓક્ટોબરમાં પણ રિલીઝ થયો હતો.

યુક્રેનિયન સેનાએ ઓક્ટોબરમાં એક વીડિયો પણ રિલીઝ કર્યો હતો. જેમાં ગુજરાતના મોરબીના એક યુવાન સાહિલ મોહમ્મદ હુસૈનને દર્શાવવામાં આવ્યો હતો. યુક્રેનિયન સેનાએ અહેવાલ આપ્યો હતો કે રશિયન સેના માટે લડતા એક ભારતીય નાગરિકે આત્મસમર્પણ કર્યું છે.યુક્રેનિયન સેનાની 63મી મિકેનાઇઝ્ડ બ્રિગેડે ભારતીય વ્યક્તિનો વીડિયો રિલીઝ કર્યો હતો..જેમાં તેણે પોતાને ગુજરાતના સાહિલ મોહમ્મદ હુસૈન તરીકે ઓળખાવ્યો હતો. યુક્રેનિયન સેનાએ જણાવ્યું હતું કે 22 વર્ષીય ભારતીય વ્યક્તિ યુનિવર્સિટીમાં અભ્યાસ કરવા માટે રશિયા આવ્યો હતો. વીડિયોમાં, હુસૈને જણાવ્યું હતું કે તેને ડ્રગ સંબંધિત આરોપોમાં રશિયામાં રાખવામાં આવ્યો છે. તેને સાત વર્ષની જેલની સજા ફટકારવામાં આવી હતી.સજાથી બચવા માટે તેને રશિયન સેનામાં જોડાવાની ઓફર કરવામાં આવી હતી.