આજે અમદાવાદના આંગણે યોજાશે 70મો ફિલ્મફેર એવોર્ડ,દર્શકોને મનોરંજનનો સંપૂર્ણ ડોઝ

આજે હિન્દી સિનેમાનો સૌથી ગ્લેમરસ અને પ્રતિષ્ઠિત એવોર્ડ સમારોહ યોજાવાનો છે. 70મો ફિલ્મફેર એવોર્ડ્સ 2025 અમદાવાદના EKA એરેના ખાતે યોજાઈ રહ્યો છે. જ્યાં બોલિવૂડ સ્ટાર્સ પોતાનો ગ્લેમર અને પ્રતિભા દર્શાવવા માટે તૈયાર છે. 11 ઓક્ટોબરની સાંજે આખો દેશ આ ભવ્ય કાર્યક્રમ પર નજર રાખશે. કારણ કે તે ફક્ત એક એવોર્ડ રાત્રિ નહીં પરંતુ ભારતીય સિનેમાનો ઉત્સવ હશે.

શાહરૂખ ખાનનું ભવ્ય સ્વાગત

આ વર્ષની સૌથી મોટી ખાસ વાત એ છે કે બોલિવૂડના બાદશાહ શાહરૂખ ખાન 17 વર્ષ પછી ફિલ્મફેર સ્ટેજ પર હોસ્ટ તરીકે પાછા ફરી રહ્યા છે.તેમની સાથે કરણ જોહર અને મનીષ પોલ પણ જોડાશે.શાહરૂખે અગાઉ 2003, 2004 અને 2007 માં શોનું આયોજન કર્યું હતું. પોતાના રમૂજ અને કરિશ્માથી દર્શકોનું મન જીતી લીધું હતું. તેમના પુનરાગમનથી ચાહકોમાં ભારે ઉત્સાહ પેદા થયો છે.

સ્ટેજ આકર્ષક પ્રદર્શનથી ભરપૂર રહેશે.આ વર્ષે, ફિલ્મફેર 2025 માં દર્શકોને મનોરંજનનો સંપૂર્ણ ડોઝ આપવામાં આવશે.અક્ષય કુમાર,અભિષેક બચ્ચન,કૃતિ સેનન, અનન્યા પાંડે અને સિદ્ધાંત ચતુર્વેદી તેમના ઉર્જાવાન અભિનયથી શોને મનોરંજનથી ભરપૂર કરવા માટે તૈયાર છે.રસપ્રદ વાત એ છે કે અનન્યા અને સિદ્ધાંત પહેલીવાર ફિલ્મફેર એવોર્ડ સ્ટેજ પર પરફોર્મ કરશે.કૃતિ સેનન દિગ્ગજ અભિનેત્રી ઝીનત અમાનને સુંદર શ્રદ્ધાંજલિ આપશે.એક ક્ષણ જે સાંજની સૌથી ભાવનાત્મક ક્ષણ હશે.

નોમિનેશન રેસમાં કોણ આગળ છે?

આ વર્ષની શ્રેષ્ઠ ફિલ્મ શ્રેણી માટે સ્પર્ધા ખૂબ જ તીવ્ર છે. “મિસિંગ લેડીઝ”, “સ્ત્રી 2”, “ભૂલ ભુલૈયા 3”, “કિલ” અને “આર્ટિકલ 370” જેવી ફિલ્મોએ દર્શકો અને વિવેચકો બંનેના દિલ જીતી લીધા છે. કિરણ રાવની “મિસિંગ લેડીઝ” એ 24 નોમિનેશન સાથે ઇતિહાસ રચ્યો છે.જે તેને ફિલ્મફેર એવોર્ડ્સના 70 વર્ષના ઇતિહાસમાં સૌથી વધુ નોમિનેટેડ ફિલ્મ બનાવે છે. અગાઉ, આ રેકોર્ડ કભી અલવિદા ના કહેનાના નામે હતો.

‘ધ બ્લેક લેડી’નો ભવ્ય ઇતિહાસ

ફિલ્મફેર ટ્રોફી, જેને પ્રેમથી ‘ધ બ્લેક લેડી’ કહેવામાં આવે છે. તેને ભારતીય સિનેમામાં સન્માન અને પ્રતિષ્ઠાનું પ્રતીક માનવામાં આવે છે.તે 46.5 સેમી ઊંચો કાંસાનો પૂતળું છે જે આશરે 5 કિલો વજન ધરાવે છે.25મી વર્ષગાંઠ માટે તે ચાંદીમાં બનાવવામાં આવી હતી. અને 50મી વર્ષગાંઠ માટે તે સોનામાં બનાવવામાં આવી હતી.આ પ્રતીકાત્મક ટ્રોફી ટાઇમ્સ ઓફ ઇન્ડિયાના કલા નિર્દેશક વોલ્ટર લેંગહામરના નિર્દેશનમાં એન.જી.પાનસરે દ્વારા ડિઝાઇન કરવામાં આવી હતી.

ફિલ્મફેર એવોર્ડ્સની ભવ્ય યાત્રા

ફિલ્મફેર એવોર્ડ્સ 1954 માં શરૂ થયો હતો. જેમાં ફક્ત પાંચ શ્રેણીઓમાં એવોર્ડ આપવામાં આવ્યા હતા. મીના કુમારી ફિલ્મ બૈજુ બાવરા માટે પ્રથમ શ્રેષ્ઠ અભિનેત્રી વિજેતા બની હતી.શાહરૂખ ખાન અને દિલીપ કુમારે સૌથી વધુ આઠ વખત શ્રેષ્ઠ અભિનેતાનો એવોર્ડ જીત્યો છે.