માઉન્ટ આબુમાં ગુજરાતી યુવાન સેલ્ફી લેતા 300 ફૂટ ઊંડા ખાડામાં પડી જતાં મોતને ભેટ્યો

અમદાવાદથી તેના મિત્રો સાથે માઉન્ટ આબુ ફરવા આવેલો એક યુવાન શુક્રવારે માઉન્ટ આબુ-આબુરોડ રોડની બાજુમાં સેલ્ફી લેતી વખતે 300 ફૂટ ઊંડી ખીણમાં પડી ગયો હતો.જેના કારણે તેનું મોત નીપજ્યું હતું. અધિકારીએ જણાવ્યું કે ગુજરાતના અમદાવાદનો યુવાન વિપિનભાઈ પટેલ તેના મિત્રો સાથે માઉન્ટ આબુ ફરવા આવ્યો હતો.

માઉન્ટ આબુ-આબુરોડ રોડની બાજુમાં અર્ણા હનુમાનજી મંદિર પાસે શુક્રવારે સેલ્ફી લેતી વખતે તે 300 ફૂટ ઊંડી ખીણમાં પડી ગયો. યુવાન ખાડામાં પડી ગયો હોવાની માહિતી મળતાં પોલીસ, મ્યુનિસિપલ ડિઝાસ્ટર મેનેજમેન્ટ ટીમ, સ્કાઉટ્સ અને સ્થાનિક નાગરિકો ઘટનાસ્થળે પહોંચી ગયા અને તેને ટેકરીઓ વચ્ચેની ઊંડી ખીણમાંથી બહાર કાઢવાનું શરૂ કર્યું.

જોકે વરસાદને કારણે ભારે લપસણી ટેકરીઓ, મોટી ઝાડીઓ અને ખડકોને કારણે ડિઝાસ્ટર મેનેજમેન્ટ ટીમના સભ્યોને નીચે ઉતરવામાં મુશ્કેલીઓનો સામનો કરવો પડ્યો. ટીમે ખૂબ જ મહેનત પછી ખાડામાં પડી ગયેલા યુવાનને ઘણી જહેમત પછી, ઘાયલ યુવાનને ઊંડા ખાડામાંથી બહાર કાઢીને રસ્તા પર લાવવામાં આવ્યો હતો.