ગાઝામાં પરિસ્થિતિ કાબુ બહાર.. ભૂખમરાથી તબાહી..યુએનના કાર્યાલયો અને રસોડાઓ લૂંટાઈ ગયા

ગાઝા પટ્ટીમાં પરિસ્થિતિ દિવસેને દિવસે ખરાબ થઈ રહી છે. 2 મહિના પહેલા ઇઝરાયલે ખાદ્ય પુરવઠો બંધ કર્યા બાદ ભૂખમરો હવે ખુલ્લેઆમ દેખાઈ રહ્યો છે. બુધવારે ઓછામાં ઓછા 5 સ્થળોએ લૂંટ ચલાવવામાં આવી હતી.. જેમાં સમુદાય રસોડા, વેપારીઓની દુકાનો અને સંયુક્ત રાષ્ટ્ર રાહત એજન્સી UNRWA ના મુખ્ય કાર્યાલયનો સમાવેશ થાય છે.

પેલેસ્ટિનિયન NGO નેટવર્કના ડિરેક્ટર અમજદ અલ-શાવાએ જણાવ્યું કે, “આ ઘટનાઓ દર્શાવે છે કે ગાઝામાં પરિસ્થિતિ કેટલી ગંભીર બની ગઈ છે. UNRWA ના વરિષ્ઠ અધિકારી લુઇસ વોટરિજના જણાવ્યા અનુસાર, બુધવારે રાત્રે હજારો વિસ્થાપિત લોકો ગાઝા શહેરમાં એજન્સીના કમ્પાઉન્ડમાં ઘૂસી ગયા હતા…અને દવાઓ લૂંટી લીધી હતી…અનેક વાહનોને નુકસાન પહોંચાડ્યું હતુ..

સમગ્ર વ્યવસ્થાના પતન પછી આ લૂંટફાટ આશ્ચર્યજનક નથી. આ એક એવા સમાજનું ચિત્ર છે જે લાંબા સમયથી ઘેરાબંધી અને હિંસા દ્વારા ઘૂંટણિયે પડી ગયું છે.”

હમાસનો બચાવ

આ ઘટનાઓ અમુક વ્યક્તિઓના કાર્યો છે અને પેલેસ્ટિનિયન સમાજના મૂલ્યોને પ્રતિબિંબિત કરતી નથી,” ગાઝા સ્થિત હમાસ મીડિયા ઓફિસના ડિરેક્ટર ઇસ્માઇલ અલ-થવાબાતાએ જણાવ્યું હતું. તેમણે દાવો કર્યો કે.. સ્થાનિક વહીવટીતંત્ર આ કેસોની તપાસ કરી રહ્યું છે.. શાંતિ જાળવવાના પ્રયાસો ચાલુ છે.

વર્તમાન પરિસ્થિતિ

ઇઝરાયલી હુમલાઓ ચાલુ છે.. ગુરુવારે થયેલા હવાઈ હુમલામાં ઓછામાં ઓછા 12 લોકો માર્યા ગયા હતા. આ વર્ષે જાન્યુઆરીમાં કામચલાઉ યુદ્ધવિરામ બાદ હમાસે પોલીસ તૈનાત કરી હતી.. પરંતુ માર્ચમાં ઇઝરાયલે ફરીથી સંપૂર્ણ હુમલાઓ શરૂ કર્યા બાદ તેમની હાજરી નબળી પડી ગઈ છે.