ક્રિસ્ટી કોવેન્ટ્રી IOCના બન્યા નવા પ્રમુખ,, આ સિદ્ધિ હાંસલ કરનાર પ્રથમ મહિલા

ઇન્ટરનેશનલ ઓલિમ્પિક એસોસિએશનના નવા પ્રમુખની 20 માર્ચે જાહેરાત કરવામાં આવી હતી. ઝિમ્બાબ્વેના રમતગમત મંત્રી અને બે વખતના ઓલિમ્પિક સુવર્ણ ચંદ્રક વિજેતા ક્રિસ્ટી કોવેન્ટ્રીને ગ્રીસના કોસ્ટા નાવારિનોમાં યોજાયેલી 144મી IOC બેઠકમાં નવા પ્રમુખ તરીકે ચૂંટવામાં આવ્યા હતા. સાત ઉમેદવારો વચ્ચે મતદાન થયું હતુ.. જેમાં ક્રિસ્ટી કોવેન્ટ્રીને આગામી 8 વર્ષ માટે આ પદની જવાબદારી સોંપવામાં આવી હતી..

ઓલિમ્પિક સમિતિની 10મી અને પ્રથમ મહિલા પ્રમુખ બની

ક્રિસ્ટી કોવેન્ટ્રી ઈન્ટરનેશનલ ઓલિમ્પિક એસોસિએશનની 10મી પ્રમુખ બનવા જઈ રહી છે. ખાસ વાત એ છે કે આ પદ પર ચૂંટાયેલી તે પ્રથમ મહિલા છે. ક્રિસ્ટી કોવેન્ટ્રી હાલના IOC પ્રમુખ થોમસ બાચનું સ્થાન લેશે..જેમણે સૌપ્રથમ 2013 માં પ્રમુખપદ સંભાળ્યું હતું.. 2021 માં ફરીથી ચૂંટાયા હતા. આ પણ પ્રથમ વખત છે જ્યારે આફ્રિકામાંથી કોઈ સભ્ય IOC પ્રમુખ તરીકે ચૂંટાયા છે. ક્રિસ્ટી કોવેન્ટ્રી 23 જૂનથી સત્તાવાર રીતે પોતાની ફરજો સંભાળશે. થોમસ બેચ તેમના કાર્યકાળના અંત પછી રાજીનામું આપશે અને માનદ પ્રમુખની ભૂમિકા નિભાવશે.

ક્રિસ્ટી કોવેન્ટ્રીનો પ્રથમ મોટો પડકાર

2026માં મિલાન કોર્ટીનામાં યોજાનારી ઉદઘાટન વિન્ટર ઓલિમ્પિક્સ હવે 11 મહિનાથી ઓછા સમયમાં યોજાવાની છે. આ ઘટના ક્રિસ્ટી કોવેન્ટ્રી માટે તેમના પ્રમુખપદમાં પ્રથમ મોટો પડકાર સાબિત થશે.

ક્રિસ્ટી કોવેન્ટ્રીએ 2000 સિડની ઓલિમ્પિકથી લઈને 2016 રિયો ઓલિમ્પિક સુધીની પાંચ અલગ-અલગ ઓલિમ્પિક્સમાં ભાગ લીધો છે. તે સ્વિમિંગ એથ્લેટ રહી છે…તેણે ઓલિમ્પિકમાં કુલ 7 મેડલ જીત્યા છે.. જેમાં 2 ગોલ્ડ, 4 સિલ્વર અને 1 બ્રોન્ઝ મેડલ છે.

પ્રેસિડેન્ટ પદ માટે પસંદગી થયા બાદ ક્રિસ્ટી કોવેન્ટ્રીએ પોતાની ખુશી વ્યક્ત કરતા કહ્યું કે, ‘હું તમને બધાને ગર્વ અનુભવીશ અને આશા રાખું છું..તમે તમારા નિર્ણય પર સંપૂર્ણ વિશ્વાસ રાખશો. આપણે સાથે મળીને આગળ વધવું પડશે..સાથે મળીને કામ કરવું પડશે.