ભાજપે દિલ્હીમાં મુખ્યમંત્રીનું નામ જાહેર કર્યું..વિધાનસભા પક્ષની બેઠકમાં રેખા ગુપ્તાના નામ પર અંતિમ મ્હોર મારવામાં આવી હતી..દિલ્હીની શાલીમાર બાગ બેઠક પરથી પહેલી વાર ધારાસભ્ય બનેલી રેખા ગુપ્તા આગામી મુખ્યમંત્રી બનશે.ભાજપે એક મહિલા ચહેરા પર દાવ લગાવ્યો છે. વૈશ્ય સમુદાયમાંથી આવતી રેખા ગુપ્તાને મુખ્યમંત્રી બનાવવાનો નિર્ણય લીધો છે. હવે ગુરુવારે તેઓ રામલીલા મેદાનમાં દિલ્હીના ચોથા મહિલા મુખ્યમંત્રી તરીકે શપથ લેશે.
રેખા ગુપ્તાએ દિલ્હી યુનિવર્સિટીમાંથી અભ્યાસ કર્યો છે..કોલેજના દિવસોથી જ અખિલ ભારતીય વિદ્યાર્થી પરિષદ સાથે સંકળાયેલા છે. તેમણે દિલ્હી યુનિવર્સિટી વિદ્યાર્થી સંઘમાં પ્રમુખ અને સચિવ પદ માટેની ચૂંટણીઓ પણ જીતી હતી. આ ઉપરાંત તે ત્રણ વખત દિલ્હી મ્યુનિસિપલ કોર્પોરેશનમાં કાઉન્સિલર રહી ચૂકયા છે. તેમણે શાલીમાર બાગ બેઠક પરથી AAP ઉમેદવાર બંદના કુમારીને 30 હજાર મતોથી હરાવ્યા હતા..
રેખા ગુપ્તા મૂળ હરિયાણાના જીંદની રહેવાસીનો જન્મ 1974માં જુલાનામાં થયો હતો. તેમના પિતાને SBI બેંકમાં નોકરી મળ્યા બાદ તેમનો પરિવાર દિલ્હી શિફ્ટ થઈ ગયો હતો.. જોકે, તેમનો પરિવાર હજુ પણ જુલાનામાં વ્યવસાય કરે છે. દિલ્હીને અડીને આવેલા હરિયાણાની રહેવાસી હોવાથી રેખા ગુપ્તા તેમના ગૃહ રાજ્યની મુલાકાત લેતી રહે છે.
ધારાસભ્ય બનતા પહેલા રેખા ગુપ્તાએ ભાજપમાં સંગઠનાત્મક સ્તરે મહત્વપૂર્ણ જવાબદારીઓ પણ સંભાળી છે. તે ભાજપ મહિલા મોરચાના રાષ્ટ્રીય ઉપાધ્યક્ષ છે. દિલ્હી ભાજપમાં મહાસચિવનું પદ ધરાવે છે.દિલ્હી યુનિવર્સિટીના દૌલત રામ કોલેજમાંથી અભ્યાસ કરનાર રેખા ગુપ્તા પાસે એમ.એ. અને એમ.બી.એ. ડિગ્રી છે. ખાસ વાત એ છે કે તે લાંબા સમયથી RSS ના સક્રિય સભ્ય છે..સંઘના કાર્યક્રમોમાં સક્રિયપણે ભાગ લે છે.
1994-95માં તે દૌલત રામ કોલેજના સેક્રેટરી હતા.
1995-96માં તેઓ દિલ્હી યુનિવર્સિટીના સચિવ હતા.
1996-97માં તેઓ દિલ્હી યુનિવર્સિટી વિદ્યાર્થી સંઘના પ્રમુખ હતા.
તે 2003-04 માં દિલ્હી પ્રદેશ મહિલા મોરચાના સચિવ હતા.
વર્ષ 2004-06 દરમિયાન ભાજપ યુવા મોરચાના રાષ્ટ્રીય સચિવ હતા.
2007 માં, તેણી પીતમપુરા ઉત્તરથી કાઉન્સિલર તરીકે ચૂંટાઈ આવ્યા હતા
2009માં તે દિલ્હી પ્રદેશ મહિલા મોરચાની મહાસચિવ બન્યા
2010માં, તેણી ભાજપ રાષ્ટ્રીય કાર્યકારિણીના સભ્ય તરીકે ચૂંટાઈ આવ્યા હતા.
અગાઉ ભાજપે સાંસદ રવિશંકર પ્રસાદ અને ઓપી ધનખડને નિરીક્ષક તરીકે નિયુક્ત કર્યા હતા. બંને નેતાઓએ દિલ્હીમાં ભાજપના ધારાસભ્યો સાથે બેઠક યોજી હતી.. અને રેખા ગુપ્તાને ધારાસભ્ય પક્ષના નેતા તરીકે ચૂંટ્યા હતા. તેમનું નામ પ્રવેશ વર્મા અને વિજેન્દ્ર ગુપ્તા દ્વારા પ્રસ્તાવિત કરવામાં આવ્યું હતું. હવે ભાજપનું એક પ્રતિનિધિમંડળ લેફ્ટનન્ટ ગવર્નર વીકે સક્સેનાને મળશે અને સરકાર બનાવવાનો દાવો રજૂ કરશે. આ પછી, ગુરુવારે, રેખા ગુપ્તા રામલીલા મેદાનમાં દિલ્હીના મુખ્યમંત્રી તરીકે શપથ લેશે.
આ વખતે ભાજપે 27 વર્ષ પછી દિલ્હી વિધાનસભા ચૂંટણી જીતી છે. આમ આદમી પાર્ટી છેલ્લા દાયકાથી રાજધાનીમાં સત્તામાં હતી. પરંતુ આ વખતે તેને ફક્ત 22 બેઠકો જ મળી છે. ભાજપે ૭૦ માંથી ૪૮ બેઠકો જીતીને ઇતિહાસ રચ્યો. ભાજપની બમ્પર લહેરમાં, પૂર્વ CM અરવિંદ કેજરીવાલ, પૂર્વ ડેપ્યુટી સીએમ મનીષ સિસોદિયા સહિત આમ આદમી પાર્ટીના ઘણા વરિષ્ઠ નેતાઓએ પણ પોતાની બેઠકો ગુમાવી છે.