ગુરુવારે ઘરેલુ શેરબજારમાં મજબૂત શરૂઆત લાંબા સમય સુધી ટકી ન હતી.શરૂઆતના કારોબારમાં, સેન્સેક્સ 280.38 પોઈન્ટ વધીને 78,551.66 પર પહોંચ્યો હતો…જ્યારે નિફ્ટી 77.25 પોઈન્ટ વધીને 23,773.55 પર પહોંચ્યો હતો. સેન્સેક્સ 150 થી વધુ પોઈન્ટના ઘટાડા સાથે અને નિફ્ટી 50 થી વધુ પોઈન્ટના ઘટાડા સાથે ટ્રેડ કરી રહ્યો છે. શેરબજારના ડેટા અનુસાર, વિદેશી સંસ્થાકીય રોકાણકારો (FII) બુધવારે વેચવાલ રહ્યા હતા અને તેમણે રૂ. 1,682.83 કરોડના શેર વેચ્યા હતા. શરૂઆતના વેપારમાં, રૂપિયો અમેરિકન ડોલર સામે 12 પૈસા ઘટીને 87.55ના સર્વકાલીન નીચલા સ્તરે પહોંચ્યો હતો..
સ્થાનિક બજારો સેન્સેક્સ અને નિફ્ટીએ સકારાત્મક શરૂઆત કરી હતી.. પરંતુ ટૂંક સમયમાં જ તેમનો પ્રારંભિક ફાયદો ગુમાવી દીધો અને ઘટાડા સાથે વેપાર શરૂ કર્યો. શરૂઆતના કારોબારમાં BSE સેન્સેક્સ 280.38 પોઈન્ટ વધીને 78,551.66 પર પહોંચ્યો. NSE નિફ્ટી 77.25 પોઈન્ટના વધારા સાથે 23,773.55 પર બંધ થયો. જોકે, પાછળથી, બંનેએ શરૂઆતનો ફાયદો ગુમાવ્યો અને ઘટાડા સાથે વેપાર શરૂ કર્યો હતો.. સેન્સેક્સ 126.78 પોઈન્ટ ઘટીને 78,141.80 પર બંધ થયો અને નિફ્ટી 42.85 પોઈન્ટ ઘટીને 23,653.45 પર બંધ થયો હતો..
કોને ફાયદો અને કોને નુકસાન?
સેન્સેક્સમાં લિસ્ટેડ 30 કંપનીઓમાં મહિન્દ્રા એન્ડ મહિન્દ્રા, ટાઇટન, ટાટા સ્ટીલ, આઇટીસી, એનટીપીસી, ભારતી એરટેલ, એચડીએફસી બેંક અને કોટક મહિન્દ્રા બેંકના શેરમાં સૌથી વધુ નુકસાન થયું હતું.. જયારે પાવર ગ્રીડ, બજાજ ફાઇનાન્સ, ઇન્ફોસિસ, ટેક મહિન્દ્રા, એચસીએલ ટેક્નોલોજીસ, રિલાયન્સ ઇન્ડસ્ટ્રીઝ અને હિન્દુસ્તાન યુનિલિવરના શેર નફામાં હતા.
રૂપિયો ૧૪ પૈસા ઘટીને અત્યાર સુધીના નીચલા સ્તરે પહોંચ્યો
ભારતીય રિઝર્વ બેંક દ્વારા વ્યાજ દરમાં ઘટાડાની અપેક્ષાઓ અને નબળા આર્થિક ડેટા વચ્ચે ગુરુવારે શરૂઆતના વેપારમાં રૂપિયો 14 પૈસા ઘટીને 87.57 ના સૌથી નીચા સ્તરે પહોંચી ગયો. ઇન્ટરબેંક ફોરેન એક્સચેન્જ માર્કેટમાં રૂપિયો 87.54 પ્રતિ ડોલર પર ખુલ્યો અને શરૂઆતના વેપારમાં ડોલર સામે 87.57ના સર્વકાલીન નીચલા સ્તરે પહોંચી ગયો, જે તેના અગાઉના બંધ કરતા 14 પૈસાનો ઘટાડો દર્શાવે છે. બુધવારે રૂપિયો 36 પૈસા ઘટીને 87.43 ના સર્વકાલીન નીચલા સ્તરે બંધ થયો હતો.