ગુરુગ્રામમાંથી એક દુઃખદ ઘટના પ્રકાશમાં આવી છે. સોશિયલ મીડિયા પર લોકપ્રિય થયેલા આરજે અને ઇન્ફલુંએન્સર સિમરન સિંહના મૃત્યુના સમાચારે લોકોને ચોંકાવી દીધા છે.
રેડિયો જોકી અને ઇન્ફલુએન્સર સિમરન સિંહ ગુરુગ્રામમાં તેના ફ્લેટમાં મૃત હાલતમાં મળી આવી હતી.
ઇન્સ્ટાગ્રામ પર 6 લાખથી વધુ ફોલોઅર્સ ધરાવતી સિમરન સિંહ સોશિયલ મીડિયા પર ખૂબ જ એક્ટિવ હતી અને પોતાની કન્ટેન્ટથી લોકોના દિલ જીતતી હતી. હવે તાજેતરમાં જ તેના મૃત્યુના સમાચારે તેના પરિવારની સાથે તેના ચાહકોને પણ નિરાશ કર્યા છે.
25 વર્ષીય ઇન્ફલુંએન્સરનો લટકતી હાલતમાં મૃતદેહ મળ્યો ‘
જમ્મુના હૃદયના ધબકારા’ તરીકે પ્રખ્યાત થઈ હતી..6 લાખથી વધુ ફોલોઅર્સ હતા.
સિમરન સિંહ ‘હાર્ટબીટ ઑફ જમ્મુ’ તરીકે પ્રખ્યાત થઈ હતી..લોકપ્રિય ફ્રીલાન્સ રેડિયો જોકી ગુરુગ્રામમાં રહેતા હતા. આ અકસ્માત ગઈકાલે એટલે કે બુધવારે થયો હોવાનું કહેવાય છે. પરિવારે સિમરનનો મૃતદેહ મેળવી લીધો છે. પોલીસે કહ્યું કે તેમને આ આત્મહત્યાનો મામલો હોવાની આશંકા છે. સિમરન માત્ર 25 વર્ષની હતી અને નાની ઉંમરમાં તેણીએ દુનિયા છોડી દીધી એ પરિવાર માટે ઊંડો આઘાત છે. સિમરન સિંહ મૂળ જમ્મુની હતી. તેમના ચાહકો તેમને જમ્મુના હૃદયની ધડકન કહે છે. નાની ઉંમરમાં સિમરન સોશિયલ મીડિયાની દુનિયામાં જાણીતું નામ બની ગઈ હતી.
જો તમે સિમરન સિંહના સોશિયલ મીડિયા હેન્ડલ પર નજર નાખો તો તે ખૂબ જ ખુશ પોસ્ટ કરતી હતી. છેલ્લી વખત તેણે તેની તસવીરો અને રીલ્સ 13 ડિસેમ્બરે પોસ્ટ કરી હતી. આમાં તે પિંક ગાઉનમાં ડાન્સ કરતી અને હસતી જોવા મળી હતી. આ જોઈને લાગે છે કે તે બીચ વેકેશન માટે ક્યાંક ગઈ હતી. તેમની પૃષ્ઠભૂમિમાં સમુદ્રનો કિનારો દેખાય છે. જોકે, આ મામલામાં પોલીસે કહ્યું કે તે ગુરુગ્રામ સેક્ટર 47માં તેના એપાર્ટમેન્ટમાં મૃત હાલતમાં મળી આવી હતી.
ગુરુગ્રામના સેક્ટર 47માં ભાડાના મકાનમાં રહેતા જમ્મુ અને કાશ્મીરના આરજે અને સોશિયલ મીડિયા પ્રભાવક સિમરન સિંહે બુધવારે સાંજે આત્મહત્યા કરી. પોલીસને પાર્ક હોસ્પિટલમાંથી રાત્રે 10:30 વાગ્યે ડેડ બોડી અંગે ફોન આવ્યો હતો. પોલીસને સિમરનના ફ્લેટમાંથી કોઈ સુસાઈડ નોટ મળી ન હતી અને ન તો સિમરનના પરિવારે કોઈ વિરુદ્ધ કોઈ ફરિયાદ નોંધાવી હતી. પરિવારનું કહેવું છે કે સિમરન છેલ્લા કેટલાક સમયથી પરેશાન હતી, જેના કારણે તેણે આ પગલું ભર્યું હતું અને તેઓએ તેના માટે કોઈને જવાબદાર ઠેરવ્યા નથી. પરિવારજનોની લેખિત ફરિયાદના આધારે કાર્યવાહી કરવામાં આવી હતી અને ગુરુવારે સવારે પોસ્ટમોર્ટમ કરવામાં આવ્યું હતું. મૃતદેહને સ્વજનોને સોંપવામાં આવ્યો છે. કોઈ કેસ નોંધાયો ન હતો. ગુરુગ્રામના સદર પોલીસ સ્ટેશનના તપાસ અધિકારીએ આ માહિતી આપી હતી.