ભાવનગર જિલ્લામાં મંગળવારે સવારે ખાનગી બસ અને ડમ્પર ટ્રક વચ્ચે અકસ્માત સર્જાયો હતો. આ દુર્ઘટનામાં 6 લોકોના મોત થયા હતા અને લગભગ 10 લોકો ઘાયલ થયા હતા. પોલીસ અધિક્ષક હર્ષદ પટેલે જણાવ્યું કે બસ ભાવનગરથી મહુવા તરફ જઈ રહી હતી ત્યારે સવારે 6 વાગ્યાની આસપાસ ત્રાપજ ગામ નજીક અકસ્માત સર્જાયો હતો. બસે ડમ્પર ટ્રકને પાછળથી ટક્કર મારી હતી.
અધિકારીએ જણાવ્યું કે અકસ્માતમાં છ લોકોના મોત થયા છે, જ્યારે આઠથી દસ અન્ય ઘાયલ થયા છે. ઘાયલોની હોસ્પિટલમાં સારવાર ચાલી રહી છે. કહેવામાં આવી રહ્યું છે કે તેઓ ખતરાની બહાર છે. પ્રત્યક્ષદર્શીઓના જણાવ્યા અનુસાર, ટક્કર એટલી ગંભીર હતી કે બસનો જમણો આગળનો ભાગ સંપૂર્ણપણે ક્ષતિગ્રસ્ત થઈ ગયો હતો.