ઈન્ડોનેશિયાને નવા રાષ્ટ્રપતિ મળ્યા છે. વિશ્વના સૌથી વધુ મુસ્લિમ બહુમતી ધરાવતા રાષ્ટ્રના આઠમા રાષ્ટ્રપતિ તરીકે પ્રબોવો સુબિયાન્ટોએ આજે સવારે સત્તાવાર રીતે શપથ લીધા હતા. આ સાથે તેણે ઈન્ડોનેશિયાની લશ્કરી સરમુખત્યારશાહીના અંધકારમય દિવસોમાં અધિકારોના ઉલ્લંઘનના આરોપી ભૂતપૂર્વ જનરલથી પ્રેસિડેન્શિયલ પેલેસ સુધીની સફર પૂર્ણ કરી.
73 વર્ષીય ભૂતપૂર્વ સંરક્ષણ પ્રધાન સુબિયાન્ટોએ સાંસદો અને વિદેશી મહાનુભાવોની હાજરીમાં મુસ્લિમ પવિત્ર પુસ્તક કુરાન પર શપથ લીધા. આ પછી હજારો સમર્થકોએ રસ્તાઓ પર ઉજવણી કરી હતી. બ્રિટન, ફ્રાન્સ, અમેરિકા, સાઉદી અરેબિયા, રશિયા, દક્ષિણ કોરિયા, ચીન, ઓસ્ટ્રેલિયા અને દક્ષિણપૂર્વ એશિયાઈ દેશો સહિત 40 થી વધુ દેશોના નેતાઓ અને વરિષ્ઠ અધિકારીઓ જકાર્તામાં આયોજિત સમારોહમાં ભાગ લેવા પહોંચ્યા હતા.
એક લાખ સૈનિકો તૈનાત કર્યા
ઇન્ડોનેશિયાની પોલીસ અને સૈન્યએ શપથ ગ્રહણ સમારોહની તૈયારીમાં ઓછામાં ઓછા એક મિલિયન કર્મચારીઓને જકાર્તામાં તૈનાત કર્યા છે, જેમાં સ્નાઈપર્સ અને એન્ટી રાઈટ યુનિટ્સનો સમાવેશ થાય છે, જે બુધવાર સુધી ચાલુ રહેશે.
આ નેતાને બદલ્યા
સુબિયાન્ટોએ પૂર્વ રાષ્ટ્રપતિ જોકો વિડોડોનું સ્થાન લીધું છે. તેઓ વિડોડો સામે અગાઉ બે વખત ચૂંટણી લડ્યા હતા, પરંતુ તેમને હારનો સામનો કરવો પડ્યો હતો. જો કે, વિડોડોએ તેમની પુનઃચૂંટણી પછી સંરક્ષણ વડા તરીકે સુબિયાંટોની નિમણૂક કરી, હરીફ રાજકીય પક્ષો હોવા છતાં ગઠબંધનનો માર્ગ સાફ કર્યો.
એપ્રિલમાં જાહેરાત
ઇન્ડોનેશિયાના ચૂંટણી પંચે 24 એપ્રિલના રોજ એક સમારોહમાં પ્રાબોવો સુબિયાંટોને ઔપચારિક રીતે પ્રમુખ તરીકે જાહેર કર્યા હતા. પ્રબોવો સુબિયાન્તો ભૂતપૂર્વ સંરક્ષણ પ્રધાન છે. તેમણે રાષ્ટ્રપતિની ચૂંટણીમાં 58.6 ટકા મતો અથવા 96 મિલિયનથી વધુ મતદાન સાથે જીત મેળવી હતી. તેઓ તેમના બંને હરીફો કરતા બમણા મતોથી જીત્યા છે. જો કે, તેના હરીફોનો આરોપ છે કે તે છેતરપિંડીથી જીત્યો હતો.
પ્રબોવો સુબિયાન્તો બન્યા ઈન્ડોનેશિયાના રાષ્ટ્રપતિ, 40 થી વધુ દેશોના નેતાઓ શપથ સમારોહમાં પહોંચ્યા.