ઉચાના વિધાનસભા બેઠક પરથી ભાજપના ઉમેદવાર દેવેન્દ્ર અત્રી ખૂબ જ નજીકની હરીફાઈમાં જીત્યા છે. તેમણે તેમના વિરોધ પક્ષને માત્ર 32 મતોના માર્જિનથી હરાવ્યા, જે ચૂંટણીના રાજકારણમાં એક મહત્વપૂર્ણ ઘટના માનવામાં આવે છે. આ ચૂંટણીમાં દેવેન્દ્ર અત્રીને 42,835 વોટ મળ્યા હતાં..જ્યારે તેમના નજીકના હરીફ કોંગ્રેસના બ્રિજેન્દ્રસિંહને 42,803 વોટ મળ્યા હતાં.
હરિયાણાના લોકોએ પીએમ મોદીની નીતિઓને મંજૂરી આપી છે – નાયબ સૈની
હરિયાણાના સીએમ નાયબ સિંહ સૈનીએ કહ્યું, “હું લાડવા અને હરિયાણાના 2.80 કરોડ લોકોનો આભાર માનું છું. આ જીતનો શ્રેય પીએમ મોદીને જાય છે. હરિયાણાના લોકોએ પીએમ મોદીની નીતિઓને મંજૂરી આપી છે.” હરિયાણાના સીએમ નાયબ સિંહ સૈનીએ કહ્યું, “હું પ્રમાણપત્ર લેવા જઈશ અને પછી જ્યોતિસર મંદિરમાં ભગવાન કૃષ્ણની પૂજા કરીશ. હરિયાણાના 2.80 કરોડ લોકોએ આ સરકારને ચૂંટ્યું છે અને અમે પીએમ મોદીના નેતૃત્વમાં આગળ વધીશું.”