બોક્સર નિશાંત દેવ પુરુષોની 71 કિગ્રા બોક્સિંગ ક્વાર્ટર ફાઇનલમાં માર્કો અલોન્સો વર્ડે અલ્વારેઝ (મેક્સિકો) સામે હારી ગયો છે.
પ્રથમ બે મુકાબલામાં આગળ હોવા છતાં, ભારતીય બોક્સર નિશાંત દેવ પુરુષોની 71 કિગ્રા વર્ગની ક્વાર્ટર ફાઇનલમાં મેક્સિકોના માર્કો વર્ડે સામે હારીને પેરિસ ઓલિમ્પિકમાંથી બહાર થઈ ગયો હતો. આ વેલ્ટરવેટ મેચમાં વર્લ્ડ ચેમ્પિયનશિપના બ્રોન્ઝ મેડલ વિજેતા નિશાંતે સારી શરૂઆત કરી હતી. પરંતુ વિભાજનના નિર્ણયના આધારે તેને 1.4થી હારનો સામનો કરવો પડ્યો હતો. મેડલ સુનિશ્ચિત કરવા માટે તેણે આ મેચ જીતવી જરૂરી હતી. હવે પેરિસ ઓલિમ્પિકમાં બોક્સિંગમાં ભારતનો પડકાર માત્ર ટોક્યો ઓલિમ્પિકની બ્રોન્ઝ મેડલ વિજેતા લોવલિના બોર્ગોહેનના રૂપમાં બચ્યો છે, જે રવિવારે મહિલાઓની 75 કિગ્રા વર્ગમાં ચીનની લી કિયાન સામે રમશે.