સનરાઇઝર્સ હૈદરાબાદે દિલ્હી કેપિટલ્સને હરાવ્યું છે. રિષભ પંતની આગેવાની હેઠળની દિલ્હી કેપિટલ્સ સામે 267 રનનો લક્ષ્યાંક હતો, પરંતુ તે 19.1 ઓવરમાં માત્ર 199 રનમાં સમેટાય ગયું હતું. આ રીતે પેટ કમિન્સની કેપ્ટન્સીમાં સનરાઈઝર્સ હૈદરાબાદે 67 રનથી મોટી જીત હાંસલ કરી હતી. તે જ સમયે, આ જીત બાદ સનરાઈઝર્સ હૈદરાબાદના 7 મેચમાં 10 પોઈન્ટ થઈ ગયા છે. હવે સનરાઈઝર્સ હૈદરાબાદ પોઈન્ટ ટેબલમાં બીજા સ્થાને છે. તે જ સમયે, કોલકાતા નાઈટ રાઈડર્સ ત્રીજા સ્થાને જ્યારે ચેન્નાઈ સુપર કિંગ્સ ચોથા સ્થાને સરકી ગઈ છે.
આ સાથે જ ઓરેન્જ કેપની રેસમાં ટ્રેવિસ હેડ બીજા સ્થાને પહોંચી ગયો છે. ટ્રેવિસ હેડના નામે 6 મેચમાં 324 રન છે. જ્યારે નંબર વન પર રહેલા વિરાટ કોહલીએ 7 મેચમાં 361 રન બનાવ્યા છે. આ રીતે વિરાટ કોહલી અને ટ્રેવિસ હેડ વચ્ચે 37 રનનું અંતર છે. આ પછી અનુક્રમે રેયાન પરાગ, રોહિત શર્મા અને કેએલ રાહુલ છે.
દિલ્હી કેપિટલ્સની હાર બાદ પોઈન્ટ ટેબલમાં કેટલો ફેરફાર?
જોકે, સનરાઇઝર્સ હૈદરાબાદ સામેની હાર બાદ દિલ્હી કેપિટલ્સની પ્લેઓફની આશાને મોટો ફટકો પડ્યો છે. આ હાર બાદ દિલ્હી કેપિટલ્સના 8 મેચમાં 6 પોઈન્ટ થઈ ગયા છે. આ સાથે જ ઋષભ પંતની ટીમ પોઈન્ટ ટેબલમાં સાતમા સ્થાને સરકી ગઈ છે. જ્યારે મુંબઈ ઈન્ડિયન્સને દિલ્હી કેપિટલ્સની હારનો ફાયદો થયો છે. હવે હાર્દિક પંડ્યાની આગેવાની હેઠળની મુંબઈ ઈન્ડિયન્સ છઠ્ઠા સ્થાને પહોંચી ગઈ છે. જોકે મુંબઈ ઈન્ડિયન્સ અને દિલ્હી કેપિટલ્સના 6-6 પોઈન્ટ્સ સમાન છે, પરંતુ મુંબઈ ઈન્ડિયન્સનો નેટ રન રેટ સારો છે.
પોઈન્ટ ટેબલમાં રાજસ્થાન રોયલ્સનો દબદબો યથાવત છે
આ સાથે જ પોઈન્ટ ટેબલમાં રાજસ્થાન રોયલ્સનો દબદબો યથાવત છે. સંજુ સેમસનની આગેવાની હેઠળની રાજસ્થાન રોયલ્સના 7 મેચમાં 12 પોઈન્ટ છે. આ પછી સનરાઇઝર્સ હૈદરાબાદ બીજા સ્થાને છે. ત્યારબાદ KKR, CSK અને લખનૌ સુપર જાયન્ટ્સ અનુક્રમે ત્રીજા, ચોથા અને પાંચમા સ્થાને છે. બાકીની ટીમોની વાત કરીએ તો ગુજરાત ટાઇટન્સ 7 મેચમાં 6 પોઈન્ટ સાથે આઠમા સ્થાને છે. પંજાબ કિંગ્સ 7 મેચમાં 4 પોઈન્ટ સાથે નવમા સ્થાને છે. જ્યારે ફાફ ડુ પ્લેસિસની કપ્તાનીવાળી રોયલ ચેલેન્જર્સ બેંગ્લોર 7 મેચમાં 2 પોઈન્ટ સાથે દસમા સ્થાને છે.