ICC ટૂર્નામેન્ટની નોકઆઉટ મેચોમાં ટીમ ઈન્ડિયાની હારનો સિલસિલો યથાવત છે. હવે ભારતીય ટીમ અંડર-19 વર્લ્ડ કપની ફાઇનલમાં હારી ગઈ છે. તાજેતરમાં જ રોહિત શર્માની કપ્તાનીવાળી સિનિયર ટીમ વનડે વર્લ્ડ કપની ફાઇનલમાં હારી ગઈ હતી. ઓસ્ટ્રેલિયાએ વનડે વર્લ્ડ કપની ફાઇનલમાં ટીમ ઇન્ડિયાને હરાવ્યું હતું. હવે ઓસ્ટ્રેલિયાએ અંડર-19 વર્લ્ડ કપ ફાઇનલમાં ટીમ ઇન્ડિયાનું સપનું તોડી નાખ્યું છે. આ રીતે ભારતીય ટીમ છઠ્ઠી વખત અંડર-19 વર્લ્ડ કપ ચેમ્પિયન બનવાનું ચૂકી ગઈ છે.
ઓસ્ટ્રેલિયાને 79 રનના વિશાળ માર્જિનથી હરાવ્યું
ટીમ ઈન્ડિયાને 254 રનનો ટાર્ગેટ મળ્યો હતો. પરંતુ ભારતીય ટીમ 43.5 ઓવરમાં 174 રન પર જ સિમિત રહી હતી. આ રીતે ટીમ ઈન્ડિયાને 79 રનથી હારનો સામનો કરવો પડ્યો હતો. ઓસ્ટ્રેલિયાના 253 રનના જવાબમાં ભારતીય ટીમની શરૂઆત ખરાબ રહી હતી. ભારતને પહેલો ફટકો 3 રનના સ્કોર પર લાગ્યો હતો. અર્શિન કુલકર્ણી 3 રન બનાવીને વોકઆઉટ થયો હતો. આ પછી વિકેટ પડવાનો સિલસિલો ચાલુ રહ્યો. ભારતના ટોપ-6 બેટ્સમેનો 91 રન બનાવીને પેવેલિયન ગયા હતા.