વિરાટ કોહલીએ સાઉથ આફ્રિકા સામે પોતાની ODI કારકિર્દીની 49મી સદી ફટકારી હતી. આ રીતે વિરાટ કોહલીએ ODI ફોર્મેટમાં સૌથી વધુ સદી ફટકારવાના સચિન તેંડુલકરના રેકોર્ડની બરાબરી કરી લીધી છે. પૂર્વ ભારતીય દિગ્ગજ સચિન તેંડુલકરના નામે ODI મેચોમાં 49 સદી છે. જોકે, સચિન તેંડુલકરે વિરાટ કોહલીની 49મી સદી પર ટ્વિટ કરીને પ્રતિક્રિયા આપી હતી.
સચિન તેંડુલકરે વિરાટ કોહલી માટે શું લખ્યું?
સચિન તેંડુલકરે લખ્યું કે મને 49 થી 50 સુધી પહોંચવામાં 365 દિવસ લાગ્યા, તાજેતરમાં જ આ વર્ષે હું 50 પર પહોંચ્યો. પરંતુ મને ખાતરી છે કે તમે બહુ જલ્દી 49 થી 50 સુધી પહોંચી જશો. આગામી કેટલીક મેચોમાં તમે મારો રેકોર્ડ તોડશો. અભિનંદન… જોકે, સચિન તેંડુલકરની ટ્વીટ સોશિયલ મીડિયા પર ઝડપથી વાયરલ થઈ રહી છે. આ સિવાય સોશિયલ મીડિયા યુઝર્સ માસ્ટર બ્લાસ્ટરના ટ્વીટ પર સતત કોમેન્ટ કરીને પોતાનો પ્રતિભાવ આપી રહ્યા છે.