આવતીકાલે સોમવારે રોકાણકારો કેટલાક શેરો પર મીટ માંડીને બેઠા છે ત્યારે 6 શેરોમાં તેજી જોવા મળી શકે છે. આ સમય દરમિયાન ઘણા શેરોમાં પણ બજારમાં તેજી જોવા મળી શકે છે. જેક બજાર પર પણ સૌ કોઈની નજર રહેશે. કેમ કે, સોમવારે શેરબજારમાં તેજી આવી શકે છે. બજાર તેજીમાં ખૂલે તેવી શક્યતા છે. કેમ કે, ગયા સપ્તાહના છેલ્લા ટ્રેડિંગ દિવસે બજાર તેજી સાથે બંધ થયું હતું. આવી સ્થિતિમાં આગામી સપ્તાહે બજાર લીલા નિશાન પર ખુલી શકે છે.
સોમવારે શેરબજારમાં ઘણા શેરોમાં તેજી જોવા મળી શકે છે. નિષ્ણાતોના મતે, રોકાણકારો નફો મેળવવા માટે આ શેરોને તેમના પોર્ટફોલિયોમાં ઉમેરી શકે છે. આ શેરોમાં ઇન્ડસઇન્ડ બેન્ક, ટાટા મોટર્સ, આઇશર મોટર્સ, મહિન્દ્રા એન્ડ મહિન્દ્રા, એક્સિસ બેન્ક અને હિન્દુસ્તાન યુનિલિવર કંપનીઓના શેરનો સમાવેશ થાય છે.
સેન્સેક્સ ગ્રૂપમાં મહિન્દ્રા એન્ડ મહિન્દ્રા 1.92 ટકાના વધારા સાથે ટોપ ગેઇનર હતી. ઈન્ડસઈન્ડ બેન્ક, એક્સિસ બેન્ક, એસબીઆઈ, એચડીએફસી બેન્ક, આઈસીઆઈસીઆઈ બેન્ક, એચયુએલ, બજાજ ફાઈનાન્સ અને એચસીએલ ટેક્નોલોજીસ પણ ઊંચા સ્તરે બંધ રહ્યા હતા. બીજી તરફ પાવર ગ્રીડના શેરમાં 2.67 ટકાનો તીવ્ર ઘટાડો થયો છે. એનટીપીસી, ટાટા સ્ટીલ, અલ્ટ્રાટેક સિમેન્ટ, નેસ્લે, સન ફાર્મા, ઇન્ફોસિસ, એલએન્ડટી, કોટક બેન્ક, ટીસીએસ અને વિપ્રોના શેર પણ લાલમાં હતા. BSE સ્મોલકેપ ઇન્ડેક્સ 0.08 ટકા ઘટ્યો હતો જ્યારે મિડકેપ ઇન્ડેક્સ 0.33 ટકા ઘટ્યો હતો.
બીએસઈનો 30 શેરો ધરાવતો ઈન્ડેક્સ સેન્સેક્સ ટ્રેડિંગના અંતે 123.38 પોઈન્ટ અથવા 0.20 ટકા વધીને 62,027.90 પોઈન્ટ પર બંધ થયો હતો. 12 ડિસેમ્બર, 2022 પછી સેન્સેક્સનું આ સર્વોચ્ચ સ્તર છે. જો કે, બજારની શરૂઆત નબળી પડી હતી અને એક તબક્કે તે 61,578.15 જેટલો નીચો ગયો હતો. પરંતુ બપોરના કારોબારમાં ફાયનાન્સિયલ અને ઓટો કંપનીઓમાં ખરીદીને કારણે સેન્સેક્સ પાંચ મહિનાની ઊંચી સપાટીએ બંધ રહ્યો હતો. નેશનલ સ્ટોક એક્સચેન્જનો ઈન્ડેક્સ નિફ્ટી પણ 17.80 પોઈન્ટ અથવા 0.1 ટકા વધીને 18,314.80 પોઈન્ટ પર પહોંચ્યો હતો. આ રીતે, નિફ્ટીએ સતત ત્રીજા ટ્રેડિંગ સપ્તાહનો અંત લાભ સાથે કર્યો હતો.