ભારતે ICC મેન્સ ટેસ્ટ રેન્કિંગમાં નંબર-1નો તાજ મેળવ્યો છે. બીજી તરફ રોહિત શર્માની કેપ્ટન્સીવાળી ટીમ ઈન્ડિયાએ વાર્ષિક રેન્કિંગ અપડેટમાં ઓસ્ટ્રેલિયાને પાછળ છોડી દીધું છે. ઓસ્ટ્રેલિયન ટીમ 15 મહિના સુધી મેન્સ ટેસ્ટ રેન્કિંગમાં ટોપ પર રહી. આ સાથે ટીમ ઈન્ડિયા આવતા મહિને યોજાનારી આઈસીસી વર્લ્ડ ટેસ્ટ ચેમ્પિયનશિપ ફાઈનલ પહેલા ઓસ્ટ્રેલિયન ટીમથી આગળ થઈ ગઈ છે.
T20 રેન્કિંગમાં, ટીમ ઈન્ડિયાનો દબદબો યથાવત છે અને પ્રથમ સ્થાન પર છે. બીજા નંબર પર ઈંગ્લેન્ડની ટીમ છે. ટીમ ઈન્ડિયા ODI રેન્કિંગમાં ત્રીજા સ્થાને છે.
ભારત અને ઓસ્ટ્રેલિયા વચ્ચે બીચ વર્લ્ડ ટેસ્ટ ચેમ્પિયનશિપની ફાઈનલ 7 જૂનથી રમાશે. આવી સ્થિતિમાં બંને ટીમોમાંથી કોની જીત થાય છે તે જોવાનું રહેશે.
અગાઉ ઓસ્ટ્રેલિયાનું રેટિંગ 122 હતું અને તે ટોચ પર હતું. જ્યારે ટીમ ઈન્ડિયાના 119 રેટિંગ પોઈન્ટ હતા. પરંતુ હવે ટીમ ઈન્ડિયા 121 રેટિંગ પોઈન્ટ સાથે ટોપ પર પહોંચી ગઈ છે. આ સાથે જ ઓસ્ટ્રેલિયા 116 રેટિંગ પોઈન્ટ સાથે બીજા નંબર પર સરકી ગયું છે.
ભારત અને ઓસ્ટ્રેલિયા બાદ અન્ય ટીમોની વાત કરીએ તો ઈંગ્લેન્ડ 114 રેટિંગ પોઈન્ટ સાથે ત્રીજા નંબર પર છે. દક્ષિણ આફ્રિકાની ટીમ ચોથા નંબર પર છે. પાંચમા નંબર પર ન્યુઝીલેન્ડની ટીમ છે.
પાકિસ્તાનની ટીમ તાજેતરની ટેસ્ટ રેન્કિંગમાં છઠ્ઠા નંબર પર છે. અને સાતમા નંબર પર શ્રીલંકા છે. વેસ્ટ ઈન્ડિઝની ટીમ આઠમા નંબર પર છે. નવમા અને દસમા નંબર પર બાંગ્લાદેશ અને ઝિમ્બાબ્વેની ટીમ છે.
ટી-20માં ટીમ ઈન્ડિયાની કમાલ ચાલુ છે
ટીમ ઈન્ડિયા T20 ઈન્ટરનેશનલ રેન્કિંગમાં ટોપ પર છે. આ સાથે જ બીજા નંબર પર ઈંગ્લેન્ડની ટીમ છે. ત્રીજા નંબર પર ન્યુઝીલેન્ડ અને ચોથા નંબર પર પાકિસ્તાની ટીમ છે. આ રેન્કિંગમાં ઓસ્ટ્રેલિયાની ટીમ છઠ્ઠા નંબર પર છે જ્યારે વેસ્ટ ઈન્ડિઝની ટીમ સાતમા નંબર પર છે. આઠમા નંબરે શ્રીલંકા અને નવમા નંબરે બાંગ્લાદેશ છે. આ સાથે જ અફઘાનિસ્તાનની ટીમ દસમા નંબર પર છે.