નાણામંત્રી નિર્મલા સીતારમણ સામાન્ય બજેટ રજૂ કરી રહ્યા છે. આ બજેટમાં દેશભરના લગભગ 6 કરોડ નાના વેપારીઓને મોટી ભેટ આપવામાં આવી છે. નાણામંત્રીએ જાહેરાત કરી કે દેશભરના MSMEને 2 લાખ કરોડ રૂપિયાની લોન આપવામાં આવશે. નવી સ્કીમ હેઠળ આ લોન 1 ટકા ઓછા વ્યાજે મળશે. સરકાર બેંકોને સરળતાથી લોન આપવા માટે બાંયધરી આપનાર તરીકે કામ કરશે.
3 કરોડ સુધીના ટર્નઓવર સુધી ટેક્સમાં છૂટ
MSMEs માટે મોટી રાહતમાં, નાણામંત્રીએ જાહેરાત કરી છે કે જે MSMEsનું વાર્ષિક ટર્નઓવર 3 કરોડ સુધી છે તેમને ટેક્સમાં છૂટ આપવામાં આવશે. આ સાથે 75 લાખ કમાતા પ્રોફેશનલ્સને પણ ટેક્સમાં છૂટ આપવામાં આવશે.
બજેટમાં જાહેરાત કરવામાં આવી હતી કે વાર્ષિક 7 લાખ સુધીની કમાણી કરનારાઓએ કોઈ ટેક્સ ચૂકવવો પડશે નહીં. જૂની ટેક્સ સ્કીમમાં 3 થી 6 લાખ પર 5 ટકા ટેક્સ લાગશે. નાણામંત્રી નિર્મલા સીતારમણે જાહેરાત કરી હતી કે જૂની ટેક્સ સ્કીમમાં 3 થી 6 લાખ પર 5 ટકા ટેક્સ લાગશે. અને 6 થી 9 લાખ પર 10 ટકા ટેક્સ લાગશે. 9 થી 12 લાખ પર 15% ટેક્સ, 12 થી 15 લાખ પર 20% ટેક્સ લાગશે અને 15 લાખથી ઉપર 30% ટેક્સ લાગશે.
નિર્મલા સીતારમણે માહિતી આપી હતી કે 2022-2023 માટે સંશોધિત રાજકોષીય ખાધ જીડીપીના 6.4% છે. 2023-2024 માટે રાજકોષીય ખાધ ગ્રોસ ડોમેસ્ટિક પ્રોડક્ટ (GDP) ના 5.9% હોવાનો અંદાજ છે. 2025-26 સુધીમાં રાજકોષીય ખાધને જીડીપીના 4.5 ટકાથી નીચે લાવવાનું લક્ષ્ય છે.
નાણામંત્રીએ જાહેરાત કરી હતી કે સિગારેટ પર કસ્ટમ ડ્યુટી વધારવામાં આવી છે. કાપડ અને કૃષિ સિવાયના માલ પર મૂળભૂત કસ્ટમ ડ્યુટી દરોની સંખ્યા 21% થી ઘટાડીને 13% કરવાની દરખાસ્ત છે. પરિણામે રમકડાં, સાઈકલ, ઓટોમોબાઈલ સહિતની કેટલીક વસ્તુઓ સસ્તી થશે.
સરકારે નવી કર વ્યવસ્થામાં સર્વોચ્ચ સરચાર્જ દર 37 ટકાથી ઘટાડીને 25 ટકા કરવાનો પ્રસ્તાવ મૂક્યો છે. સરકારે નવી ટેક્સ વ્યવસ્થાને ડિફોલ્ટ ટેક્સ વિકલ્પ બનાવવાની દરખાસ્ત કરી છે
.શું સસ્તું થશે
મોબાઇલ
ઇલેક્ટ્રોનિક વ્હિકલ
રમકડાં
સાઇકલ
એલઈડીટીવી
ઓટોમોબાઇલ
મોબાઇલ કેમેરા લેન્સ
શું મોંઘુ થશે
સિગારેટ
ચાંદીનો સામાન
ઇલેક્ટ્રોનિક ચીમની
સોનું
પ્લેટિનમ ચાંદી
હીરા
પિત્તળ
કપડાં
એક્સ રે મશીન